Токтогулда 23 жаштагы жарандын унаасын коркутуу жолу менен тартып алып, 100 миң сом акча талап кылган 5 жаран кармалды

Жалал-Абад облусунун Токтогул районунда жергиликтүү жарандан 100 миң сом акча талап кылып, унаасын тартып алган уюшкан кылмыштуу топтун мүчөлөрү кармалды. Бул тууралуу Жалал-Абад ОИИБинин басма сөз кызматы билдирди.

Маалыматка ылайык, Токтогул РИИБине арыз менен Токтогул районунун тургуну жабырлануучунун апасы арыз менен кайрылган. 17-май күнү 23 жаштагы Т.А.дан Токтогул шаарынын тургундары акча опузалап талап кылып, уулуна таандык болгон ВАЗ 2106 үлгүсүндөгү автоунаасын коркутуу жолу менен алып койгондугу жазылган.

"Жогоруда көрсөтүлгөн белгисиз адамдардын кыймыл-аракетине карата Кылмыш-жаза кодексинин 170-беренеси (опузалап акча талап кылуу) менен кылмыш иши козголду. Алгач кылмышка шектүүлөрдүн арасынан 20 күн мурда бирөө кармалып, калган 4 адам изин жашырып качып жүргөн. Кылмыштын бетин ачуу максатында, Жалал-Абад облусунун уюшкан кылмыштуулукка каршы күрөшүү башкармалыгы жасаган ыкчам иш аракеттердин негизинде кылмышка шектүүлөр 28-июнь күнү толугу менен кармалды. Алар уюшкан кылмыштуу топтун мүчөлөрү катарында ИИМдин каттоосунда турган, Токтогул шаарынын тургундары болгон. Алар 24, 23 жана 22 жаштагы балдар болгон. Алардын баш коргоо чарасы райондук сот тарабынан каралып, 2 айга камакка алынды. Учурда Токтогул РИИБинин тергөө кызматы иликтөө иштерин жүргүзүүдө", - деди маалымат катчы.

жаңыланды 07:33 01-07-2018
кошулду 17:32 30-06-2018

Автор: Айсалкын Качкынбекова
Фото: Жалал-Абад ОИИБинин басма сөз кызматы

Жазылуу

РУБРИКАДАГЫ СОҢКУ КАБАРЛАР

15:41 2024-04-24 | Коом жана турмуш

Сузак районуна да өзгөчө кырдаал режими жарыяланды 137 0

15:38 2024-04-24 | Коом жана турмуш

"Манас" университетинде Улуттук эгемендүүлүк жана балдарды коргоо күнү белгиленди 84 0

15:23 2024-04-24 | Коом жана турмуш

Май майрамдарына карата Калкты тейлөө борборлорунун графиги 196 0

14:50 2024-04-24 | Коом жана турмуш

Жаан жаайт. Эртеңки күнгө күтүлгөн аба ырайы 403 0

14:50 2024-04-24 | Коом жана турмуш

Акыйкатчы сабалган өспүрүмдүн иши боюнча тергөөдөн кылмышты оордотуучу жагдайларга көңүл бурууну талап кылды 184 0

14:45 2024-04-24 | Кылмыштар, кырсыктар

Чүйдө токтоп турган унааны айдап кеткен шектүү кармалды 198 0

Архив

Комментарийлер (8)

rysik79

2018-06-30 11:51:32

Жондон жоон эле кантип эле тартып алсын. Апиристтик кылган жее карыыз.

-6

Sabway

2018-06-30 14:44:50

rysik79,кором мен сени, башына келгенде ушундай мушкул иш

bond02

2018-06-30 12:00:39

Иштесе ишке тойбой турган немелер экенсинер, ойду омкоруп тоону томкорбойсунарбы, каракчылык кылбай.

Ali-han

2018-06-30 12:24:34

Ынтымактын балдары!!!

aibars

2018-06-30 13:03:00

Башы жок булардын баш коргоо чарасы жок эле камаш керек. Огуздой кучу барда баштары менен жер казса дагы нан таап жейт элего.

miraiymka

2018-06-30 13:09:03

Тортоону тен тааныйт экенмин,эх жердештер жакшынакай эле балдарсынар,зачем ушундай нерселерди кылып,бирок бул балдар школдо окуп жургондо эле бейбаш болчу.

monster_high_98

2018-06-30 18:23:05

Арам акчаларга конгон окшойсунар

simone

2018-07-01 02:58:25

Аял башыбыз менен биз тытынып иштейбиз, эркек деп ким айтат силерди?!

Комментарий калтыруу үчүн өз ысымыңыз менен кириңиз же каттоодон өтүңүз.