Өлкө аймагына сырттан ташылып келген автоунааларга бажы алымдарынын өлчөмү төмөндөтүлдү

Өлкө аймагына сырттан ташылып келген автоунааларга бажы алымдарынын өлчөмү төмөндөтүлдү. Тийиштүү токтомго бүгүн, 10-июлда премьер-министр Мухаммедкалый Абылгазиев кол койду. Бул тууралуу өкмөттүн маалыматтык саясат бөлүмү кабарлады.

Маалыматка ылайык, аталган чечим ашыкча эскирген автотранспорт каражаттарын азайтуу жана жеке жактардын өлкө аймагына электр, гибриддик кыймылдаткычтуу автотранспорт каражаттарын ташып киргизүүсүнө дем берүү, ошондой эле өлкөнүн автоунаа паркынын эскиришин алдын алуу боюнча ыкчам чара көрүүгө багытталган.

Өкмөттүн токтому аркылуу бензин жана дизелдик кыймылдаткычтуу автотранспорт каражаттарына карата бажы алымдарынын жана салыктардын бирдиктүү өлчөмү 2014-жылкы коюмдардын деңгээлине чейин төмөндөтүлөт.

Мындан тышкары, гибриддик кыймылдаткычтуу унаа транспорттук каражаттарга 1 куб сантиметр үчүн 0,5 доллардан 0,6 долларына чейинки өлчөмдө бажы алымдарынын жана салыгынын өбөлгөлөөчү коюмдары киргизилет.

Электромобилдерге карата бажы алымдарынын жана салыгынын нөлдүк коюму киргизилмекчи.

Белгилей кетсек, аталган токтом расмий жарыяланган күндөн 15 күн өткөн соң күчүнө кирет жана 2019-жылдын 31-декабрына чейин иштейт.


кошулду
РУБРИКАДАГЫ СОҢКУ КАБАРЛАР
Архив
Комментарийлер (5)
bilbeim.dordoi
2018-07-10 20:28:50
Жакшы жанылык
+2
bazar
2018-07-10 21:28:04
Таможный союз бүттүбү?
0
daniel87
2018-07-10 22:13:32
Тушунбойм такыр биздин окмотко??? Эмнеге жылы эскирген машиналарды кирууго уруксат берет? Башканы койуп Бишкекти айтайын жолдордого эскилиги жеткен маршуруруттук каттамдар, эскилиги жеткен машиналарды коруп зээним кейийт! Качан бизде жаны автобустар пайда болот? Шаарыбыздын коркуно корк кошуп окмотубузго кызмат кылган
-5
Jigitchem
2018-07-10 23:12:39
daniel87,сенин жаны унаа алганга шартын болсо керек. Бирок бизде ошол эски унаа эле кызмат кылып атат
+2
BekAmir
2018-07-10 22:35:25
Эн жакшы
+2
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан