super.kg logo
  Саясат  

ЖЫЛНААМА, 14-ИЮЛЬ: Жогорку Кеңештин экс-депутаты Бөдөш Мамырова 61 жашка чыкты

 

1957-жылы 14-июлда Жогорку Кеңештин экс-депутаты Мамырова Бөдөш Аманбаевна Ош облусунун Алай районуна караштуу Бүлөлү айылында туулган.

Жогорку билимдүү. 1982-жылы К.И.Скрябин атындагы Кыргыз айыл-чарба институтун "окумуштуу-агроном" адистиги боюнча бүтүргөн.

Эмгек жолун 1984-жылы Кыргыз жер кыртышын илимий изилдөө институтунда (ЖКИИ) лаборанттык кызматтан баштаган.

1985–1988-жылдары улук лаборант, агроном, андан кийин ЖКИИнин улук агроному, илимий кызматкери болуп эмгектенген.

1989-жылы Кыргыз Республикасынын Улуттук илимдер академиясынын (УИА) Геология институтунда, андан кийин "Социализм" совхозунда сугат эсепчиси болуп иштеген.

1991-жылы – Кыргыз ССРинин Географиялык коомунда окумуштуу-катчы;

1992–1995-жылдары – К.И.Скрябин атындагы Кыргыз айыл-чарба институтунда "Мөмө-жемишчилиги жана айыл чарба өсүмдүктөрүн кайра иштетүү" кафедрасынын ассистенти;

1995-жылы – Кыргыз Республикасынын УИАсынын ботаникалык бакчасынын ("Өсүмдүктөрдүн физиологиясы" лабораториясы) кенже илимий кызматкери;

1996-жылы – Кыргыз Республикасынын УИАсынын илимий кызматкери;

1999-жылы – "Ар-Намыс" саясий партиясынын мүчөсү, өлкөнүн түштүк аймагы боюнча партиянын координатору, андан кийин партиянын төрагасынын орун басары;

2001-2005-жылдары – "Азем" өкмөттүк эмес уюмунун жетекчиси;

2008-жылы – "Табият" экологиялык кыймылынын менеджери;

2010-жылдын апрелинде Убактылуу өкмөттүн тескемеси менен Кыргыз Республикасынын эмгек, ишке орноштуруу жана миграция министринин милдетин аткаруучу болуп дайындалган.

2010-жылдын октябрында Кыргыз Республикасынын Жогорку Кеңешинин V чакырылыштагы "Ар-Намыс" саясий партиясынын тизмеси боюнча депутат болуп шайланган.

2010-жылы – "Ар-Намыс" фракциясынан Жогорку Кеңештин төрагасынын орун басары, Жогорку Кеңештин регламенти жана депутаттык этика боюнча комитетинин мүчөсү.

2014-жылы 31-декабрда Кыргыз Республикасынын маданиятын жана искусствосун өнүктүрүүгө кошкон салымы үчүн ЖКнын депутаты Бөдөш Мамырова КРнын Маданият, маалымат жана туризм министрлигинин "Маданияттын мыкты кызматкери" төш белгиси менен сыйланган.

14-июлга карата жылнаама.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117936;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: