super.kg logo
  Саясат  

Сооронбай Жээнбеков укук коргоочуга президенттик аппараттын бөлүм башчысы болуп иштеп берүүнү сунуштады

 

Өлкө башчы Сооронбай Жээнбеков жарандык коомдун өкүлдөрү менен болгон жолугушууда укук коргоочу Рита Карасартовага президенттик аппараттын бөлүм башчысы болуп иштеп берүүнү сунуштады.

Рита Карасартова өлкө башчыга Акыйкатчы кызматына өтпөй калса, сунушталган бөлүмдү жетектеп бере турганын айтканын SUPER.KG'ге билдирди.

"Мен буга чейин социалдык түйүндөрдөгү өздүк баракчам аркылуу президенттик аппаратты жетектеп берейин деп кайрылгам. Мамлекет башчы бүгүнкү жарандык коомдун өкүлдөрү менен болгон жолугушууда менин сунушума жооп берди. Ал "аппарат жетекчиси болуу үчүн бир нече баскычтарды басып өтүү керек, эгер ошол баскычтарды басып өткөн болсоңуз сиз суранган кызматка алат элем. Бирок сиз ал баскычтарды басып өтпөгөндүгүңүзгө байланыштуу мен сизге бөлүм башчы болуп иштөөнү сунуш кылам" деди. Мен "акыйкатчы болууга аракет кылып көрөйүн, ал жактан болбой калса, бөлүм башчы кызматына барайын" деп жооп бердим", - деди Рита Карасартова.

Айта кетсек, бүгүн, 19-июлда президент Сооронбай Жээнбеков жарандык активисттер менен жолугушуу өткөрдү. Жолугушууга өкмөттүк эмес 40 уюмдун өкүлдөрү жана коомдук активисттер чакырылган.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114526;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: