super.kg logo

Казакстандык спортчу Денис Тендин социалдык тармактагы жеке баракчасына жүктөгөн акыркы сүрөтүндө Кыргыз вайнери Элдана Сатыбалдиева да болгон

 

Казакстандын эң көрүнүктүү спортчуларынын бири, көптөгөн эл аралык мелдештердин жеңүүчүсү, Дүйнө чемпиону, Олимпиада оюндарынын коло медалынын ээси, муз үстүндөгү бийчи Денис Тен уурулардын колунан көз жумган.
Анын өлүмү көпчүлүктү кайгыга салды. Алардын арасында казакстандык вайнер Нагима Ахметова дагы бар. Вайнер өзүнүн социалдык тармактагы жеке баракчасына Денис Тен менен акыркы жолку жолугушуусу тууралуу билдирүү жазып, сүрөт жүктөгөн. Сүрөттө белгилүү Кыргыз вайнери Элдана Сатыбалдиева дагы бар.

"Көкүрөк тушумдагы оорудан улам араң дем алып жатып Денис Тен менен болгон акыркы жолугушуубуз, маегибиз тууралуу айтууга милдеттүү экенимди түшүндүм", - деп жазган вайнер Ахметова.

Ал спортчу менен маектешкен учурда Казакстандын спорту, муз үстүндөгү бийдин келечеги тууралуу сураган.

"Казакстанда мыкты машыктыруучулар дээрлик жок. Эгер мыкты устаттар болсо дагы алар эски ыкмалар менен машыктырат. Мен ал ыкмаларды бала кезимде эле үйрөнгөм. Менимче спорттун өнүгүшү калктын менталитетинен көз каранды. Жаңычылдыкты үйрөнүп, алдыга умтулайын дегендер сейрек кездешет. Мына карасаң, мени Орусияга, АКШга барып машыгып кел деп эч ким кыйнап жиберген эмес. Бул бир гана менин чечимим, менин тандоом болгон", - деп айткан Тен Нагима Ахметова менен маектешүү учурунда.

Ошондой эле Денис Тен Кудай буюрса машыктыруучу болуп иштээрин кошумчалаган.

"Мурун бийлик биздин спорт комитетине "Эмнеге байгелүү орундар жок? Спортчулар качан медаль тагынат?" деп көп суроо салат эле. Анда комитеттин "Спорт аянтчалары жок" деген шылтоосу бар болчу. Азыр мамлекет көп каражат бөлүп, спорт менен машыгууну каалагандар үчүн аянттар, секциялар курулган. Албетте, бекер машыгуу үчүн курулган. Бирок спорт аянттарына, секцияларына барган балдардан акча талап кылышат. Бул туура эмес, анткени спорт менен машыгууну каалаган балдардын бардыгында эле акча жок. Балким, Кудай буюрса, 10-15 жылдан кийин машыктыруучу болсом мындай жолго барбайм. Эгер биз дүйнөнү өзгөрткүбүз келсе, анда биринчи өзүбүздөн башташыбыз керек", - деген спортчу.

Белгилей кетсек, Денис Тен дагы вайнер Нагима Ахметова жүктөгөн сүрөттү 2 күн мурда жеке баракчасына жүктөп, "Кыздар менен "BurritoGO`го бардык" деп жазган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(4)
20.07.2018. 18:47 
Тайпасы:
Жаран
Комментарийлердин саны:
541
Катталган:
10-08-2016
Соӊку аракети:
24-09-2018 21:19
Жынысы:
Белгисиз
+5
Жаткан жери жайлуу болсун,жайы жаннаттан болсун,жакындарына сабыр тилейм..
Апасы байкуш кантти экен,уулунун ар бир мелдешине барып алдынкы орунда туруп алып куйормандык кылчу эле..
20.07.2018. 19:22 
Тайпасы:
Жаран
Комментарийлердин саны:
101
Катталган:
04-05-2013
Соӊку аракети:
23-09-2018 21:39
Жынысы:
Белгисиз
Калаасы:
Мен туулган жер!
+5
Элдана Сатыбалдиеванын суроту журот, бирок Элдананар бир ооз соз жазып койгон жок го бул тууралуу
20.07.2018. 19:31 
Тайпасы:
Жаран
Комментарийлердин саны:
482
Катталган:
05-05-2018
Соӊку аракети:
24-09-2018 22:05
Жынысы:
Белгисиз
Калаасы:
Уч-Коргон
-5
bibi87,Эльдананар деп кимге какшык менен кайрылып жатасынар,аркимдин оз иши да!
20.07.2018. 23:13 
Тайпасы:
Жаран
Комментарийлердин саны:
101
Катталган:
04-05-2013
Соӊку аракети:
23-09-2018 21:39
Жынысы:
Белгисиз
Калаасы:
Мен туулган жер!
+2
monster_high_98,сизге эмес
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: