super.kg logo

ЖЫЛНААМА, 21-ИЮЛЬ: Бул күнү "Оскар" жана "Алтын глобус" сыйлыгынын ээси америкалык белгилүү актёр Робин Уильямс төрөлгөн

 

Мындан 67 жыл мурун, 1951-жылы америкалык актёр Робин Уильямс Чикаго шаарында туулган.

Ал Жуллиард драмалык мектебин аяктаган.

Көпчүлүк аны комедиялык актёр катарында "Ойгонуу", "Адамс багыты", "Август Раш", "Өлгөн акындардын коому", "Саламатсыңбы, Вьетнам!" аттуу тасмалардагы ролдору аркылуу тааныган.

Бардыгы болуп 300гө жакын тасмага тартылган.

Американын Киноискусство академиясы 1998-жылы эң мыкты эркектин ролу үчүн ага "Оскар" сыйлыгын тапшырган ("Акылдуу Уилл Хантинг", 1997-жыл).

Ал эми "Алтын глобус" сыйлыгына 5 жолу татыктуу болгон.

Голливуддагылар жана актёрдун көпчүлүк күйөрмандары аны "комедиянын падышасы" деп атап келишкен.

Робин Уильямс 2014-жылы 11-августта 63 жаш курагында көз жумган. Актёрдун жансыз денеси Калифорния штатындагы өз үйүнөн табылган.

Ал каза болгондон кийин АКШнын президенти Барак Обама социалдык тармактагы баракчаларынын бирине актёр тууралуу: "Робин Уильямс учкуч, дарыгер, сыйкырчы жана бала багуучу болчу... жана ушулардын ортосундагы адам эле. Бирок ал жалгыз эле" - деген билдирүү калтырган.

21-июлга карата жылнаама.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114713;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: