super.kg logo
  Саясат  

Жогорку Кеңештин депутаты Аида Касымалиева: "Журналисттик иликтөөдө ошол ишти алып барган топтун ар биринин коопсуздугу жогорку деңгээлде каралышы керек"

 

Бийликтин коррупцияга батканын ашкерелеген журналисттерге ар түрдүү басымдар болуп келет. SUPER.KG порталынын "Мындай учурда журналист кимге таяна алат?" деген соболуна Жогорку Кеңештин депутаты Аида Касымалиева жооп берди.

Касымалиеванын айтымында, Кыргыз мамлекетинде иликтөө боюнча журналистика жакшы жолго коюлган эмес. "Уланбек Эгизбаевге окшогон эр жүрөк журналисттер өздөрү эле иликтөө иштерин жүргүзүшөт. Бул жерде алардын коопсуздугу дайыма системдик түрдө жакшы жолго коюлушу үчүн алар бир командада иштеши зарыл. Команда менен иштегенде коопсуздук жагы да каралат. Мисалы, Уланбек Эгизбаев ушундай иликтөөчүлүк журналистиканы түптөп кетти. Бош конверт же коркутуулар болгондо редакцияга кайрылышы керек. Журналисттик иликтөө жүргүзүп жаткан топтун ар биринин коопсуздугу жогорку деңгээлде каралышы зарыл. Өкмөт, коопсуздук органдары тарабынан алдын ала каралышы абзел. Ал эми Уланбек Эгизбаевге ошондой коркутуулар болуп жатканда ал өзү жалгыз калып калды. Көрдүңүздөрбү, алар коркутууну бош конверт аркылуу жөнөткөн. Ошондой учурда журналисттин коопсуздугу үчүн милиция кызматкерин же коопсуздук органдары кызматкер бөлүп бериши керек. Буга кайдыгер караган болбойт", - деди Касымалиева.

Жогорку Кеңештин мурдагы депутаты Равшан Жээнбеков, журналисттер Нарын Айып, Сыргак Абдылдаев, Султан Каназаров, Кабай Карабековдун пикири төмөнкү шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114526;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: