super.kg logo

Интернет колдонуучулар "Брэд Питт дайыма жандап жүргөн айымына окшош стилди тандайт" деп далил катары көптөгөн сүрөттөрдү жарыялашууда

 

Белгилүү Голливуд актёру Брэд Питт кайрадан көңүл чордонунда. Бул ирет интернет колдонуучулар актёр кимди жандап жүрбөсүн ар убак ага окшошууга аракет кылгандыгын айтып, ага далил катары көптөгөн сүрөттөрдү жарыялашууда.

1. Брэд Питтин кино дүйнөсүнө болгон алгачкы кадамдарынын бири "Даллас" телесериалы аны актриса Шэлейн МакКолл менен жолуктурган. Ал кезде 24 жаштагы анча белгилүү эмес, бирок жылдыздуу Брэд Питти 15 жаштагы МакКолл дароо жактырып калган. Бирок жаштардын мамилеси көпкө созулбай, бири-биринен кол үзүшкөн. Актёрлордун кийинүү стили, чачтарынын түстөрү да окшош экенин бул сүрөттөн көрүүгө болот.

2. Аз гана убакыт болсо дагы Питт голливуддук үй-бүлөдө төрөлүп, өзүнүн актёрдук карьерасын 5 айлык кезинде эле баштаган Кристина Эпплгейт менен да сүйүү мамилесин курууга жетишкен. Бирок бул мамиле көпкө созулган эмес. Жылдыздардын көптөгөн иш-чараларда бирдей стилде кийинип жүргөндүгүн байкоого болот.

3. Актриса Жилл Шоллен менен Питт жөн гана мамиле курбастан, баш кошуу сунушун айтууга жетишкен. Тилекке каршы, мамилелер үлпөт тойго жеткен эмес. Сүрөттөрдө байкалып тургандай, Брэд Питт эч качан бир чач жасалга менен көпкө жүргөн эмес.

4. Тэнди Ньютон менен бир жылга жакын гана убакыт сүйүү мамилесинде болсо да Питт аны менен бир стилде кийингенге жетишип калган.

5. Питт өз тармагынан алыс кетпестен дайыма актрисаларды жандап жүргөн. Гвинет Пэлтроу менен 1995-жылдан 1997-жылга чейин сүйүү мамилесинде болгон. Бул арада актёр чачынын түсүн өзгөрткөнгө жетишкен.

6. Питтин биринчи жубайы Женнифер Энистон экени көпчүлүккө белгилүү. Баш кошкон соң түгөйлөр балалуу болууну каалашкан, бирок Энистондун 2 жолу боюнан түшүп, үй-бүлөдөгү мамилелер бузула баштаган. Көп өтпөй көпчүлүк суктанган түгөйлөр ажырашып кетишкен. Энистон менен бирге болгон учурда күйөрмандар Питти ар кандай чач жасалгасы менен жана ар кандай стилде кийинип жүргөнүнө күбө болушкан.

7. 11 жыл чогуу жашаган Питтин экинчи жубайы белгилүү актриса Анжелина Жоли менен да көптөгөн сыйлык тапшыруу аземдеринде, тасмалардын бет ачарында окшош кийинип жүргөн сүрөттөрүн кезиктирүүгө болот. Голливуддун эң жылдыздуу түгөйлөрүнө айланган Питт менен Жолинин ажырашуусу көпчүлүккө күтүлбөгөн жаңылык болгон.

Интернет колдонуучулардын жана бир нече басылмалардын жогорудагыдай салыштырууларына азырынча Брэд Питт өзү эч кандай комментарий бере элек.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
28.07.2018. 00:41 
Тайпасы:
Жаран
Комментарийлердин саны:
2
Катталган:
16-02-2018
Соӊку аракети:
23-09-2018 09:34
Жынысы:
Белгисиз
Калаасы:
Бишкек
+1
Чын эле. Эл айтса калп айтпайт!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114548;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: