super.kg logo

ЖЫЛНААМА, 3-АВГУСТ: "Аман калуу" сериалындагы ролу менен атактуулукка жеткен канадалык актриса Эванжелин Лилли 39 жашка чыкты

 
"Кумурска адам жана Аары" тасмасында Аарынын образында
Доминик Монаган менен
Жолдошу Норман Кали жана уулу менен

Мындан 39 жыл мурун, тагыраагы,1979-жылы 3-августта канадалык актриса Николь Эванжелин Лилли Альберта провинциясындагы Форт-Саскачеванда туулган.

"Аман калуу" сериалына тартылардан мурун стюардесса, официант болуп иштеген. Окуусунун акчасын төлөө үчүн жарнамаларга тартылып, моделдик иш менен алектенген.

2003-жылы ал "Фредди Жейсонго каршы", "Смолвилдин сырлары", 2004-жылы "Падыша ооруканасы" тасмаларында эпизоддук ролдорду жараткан. Чыныгы актёрдук талантын "Аман калуу" сериалында Кейттин образын жаратуу менен көргөзө алган.

Бул тасмадагы ролу үчүн 2004-жылы "Entertainment Weekly" журналы тарабынан "Breakout Stars-2004", 2006-жылы "Алтын глобус" номинацияларына талапкер болгон. 2009-жылы "L’Oréal" компаниясынын жүзү болгон.

2013-жылы Питер Жексондун "Хоббит: Смауг бош жери", 2014-жылы "Хоббит: Беш аскердиктин согушу" тасмаларында Тауриэль аттуу эльфтин ролун жараткан. 2015-жылы "Кумурска-адам" аттуу тасмада башкы ролдордун бирин жараткан.

2018-жылы жарык көргөн "Кумурска адам жана Аары" тасмасында Аарынын образын жаратса, учурда 2019-жылы жарык көрө турган "Өч алгычтар 4" тасмасына тартылып жаткан кези.

Жеке жашоосунда 2003-жылы канадалык хоккейчи Мюррэй Хонго турмушка чыгып, бир жылдан соң ажырашып кеткен.

2004-жылдан 2009-жылга чейин "Аман калуу" сериалындагы Чарлинин образын жараткан Доминик Монаган менен сүйүү мамилесинде болгон.

2010-жылдан тарта Эванжелин Лилли "Аман калуу" сериалынын режиссёрунун жардамчысы Норман Кали менен жарандык никеде жашап келет. Түгөйлөрдүн 2011-жылы туулган Кахекили Кали ысымдуу уулу жана 2015-жылы төрөлгөн кызы бар.

3-жылнаамага карата жылнаама.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: