super.kg logo

Орусиялык ырчы Саша Градива түркиялык мейманкана менен соттошот

 
Түркияда кичинекей баласы жана ден соолугунун мүмкүнчүлүгү чектелген апасы менен эс алып жүргөн орусиялык ырчы Саша Градива көчөдө калды. Мындай маалыматты чет элдик басылмалар жазып чыкты.
Ырчынын айтымында, ал Түркиядагы мейманканалардын биринен орун алып, эс алып жүргөн. Бирок анын эс алуусу мейманкананын кызматкерлеринин туура эмес мамилесинен улам бузулган. Тагыраагы, ырчы бөлмөдөгү кондиционер иштебей калганын айтып, оңдоп берүүсүн суранган. Ырчынын суранычын администрациянын кызматкерлери аткаруудан баш тарткан. Ошондой эле Саша Градиванын апасынын ден соолугу начарлап кеткенинен "Тез жардам" кызматын чакыруусун өтүнгөн. Бирок мейманкананын кызматкерлери ырчыга жардам берүүнүн ордуна аны башка мейманканага жайгаштырган.
"Оорукчан апамдын акыбалын көрүп туруп, бизди башка мейманканага жайгаштырды. Ал жайды көрсөңөр жупуну, кичинекей эле мейманкана экен", - деген Градива.
Саша Градива Түркиядагы эс алуусу үчүн жарым миллиондон ашуун рубль короткон. Мындан улам ал аталган мейманкана менен соттошорун билдирген.
Маалымат үчүн: Саша Гардива 1979-жылы 5-февралда Москвада төрөлгөн. Өзүнүн чыныгы аты Александра Антонова, бирок көпчүлүккө Саша деген каймана ысым менен таанымал болгон. Ал бийчи, ырчы, продюсер катары таанымал. Учурда АКШнын Калифорния штатында жашайт.


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 3 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114370;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: