super.kg logo

Ысык-Көлдө 13 өлкөдөн келген жаш сүрөтчүлөрдүн эл аралык лагердик мастер-классы өтүүдө

 

Ысык-Көлдө КМШ жана Прибалтика өлкөлөрүндөгү көркөм-сүрөт окуу жайынын студенттеринин IV эл аралык мастер-классы өтүп жатат. Маданият, маалымат жана туризм министрлигинин искусствону жана кесиптик билимди өнүктүрүү бөлүмүнүн башчысы Дамира Алышбаеванын SUPER.KG´ге билдиришинче, 2-августта башталган иш-чара 9-августта аяктайт.

“Мен бул иш-чаранын автору болом. Мастер-класска КМШ өлкөлөрүндөгү көркөм-сүрөт окуу жайларынын студенттери, мугалимдери жана профессорлор келишти. Быйыл биринчи жолу Грузия менен Литва өлкөлөрү да катышып жатат. Жалпысынан 13 өлкөдөн 50гө жакын адам катышууда. Бул мастер-класстын негизги максаты - өлкөлөр арасындагы, жаш сүрөтчүлөр ортосундагы жеке байланышты чыңдоо. Ошондой эле сүрөтчүлөрдүн чыгармачыл жөндөмдүүлүгү менен билимин тереңдетүү болуп саналат. Иш-чаранын күн тартибине ылайык, жаш сүрөтчүлөр балдар үйүнө да барып мастер-класстарды өтүшөт, кайрымдуулук иретинде өздөрүнүн эмгектерин балдар үйүнө калтырып кетишет. Жыйынтыгында мыкты эмгектер тандалып алынып, 14-15-августта Бишкек шаарында сүрөт көргөзмө өткөрүлөт”, - деди Алышбаева.

Мастер-класс Маданият, маалымат жана туризм министрлигинин жана КМШ мамлекеттеринин гуманитардык кызматтакштык фондунун колдоосу менен өтүүдө.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: