Айсулуу Тыныбекова Ысык-Көлдө Жайкы Азия оюндарына даярданууда

Кыз-келиндер арасындагы күрөш боюнча Кыргыз курама командасы Жайкы Азия оюндарына даярданууда. Бул тууралуу Жаштар иштери, дене тарбия жана спорт агенттиги билдирди.

2018-жылы 18-августтан 2-сентябрга чейин Индонезияда өтө турган Жайкы Азия оюндарынын кыз-келиндер арасындагы күрөш боюнча мелдешине учурда 9 Кыргыз балбаны даярданууда. Спортчулар Ысык-Көлдүн Чолпон-Ата шаарындагы “Орион” спорт комплексинде окуу-машыгуу жыйындарын өткөрүүдө. Анда башкы машыктыруучу Нурбек Изабековдун алдында эл аралык даражадагы спорт чеберлери Айсулуу Тыныбекова, Айпери Медет кызы, Мээрим Жуманазарова жана 6 спорт чебери машыгууда. Окуу-машыгуу жыйындары 15-августка чейин уланат.

Эскерте кетсек, Жайкы Азия оюндары 18-августтан 2-сентябрга чейин Индонезиянын 2 шаарында өтөт.

Кыз-келиндер арасындагы күрөш боюнча Кыргыз курамы:

50 килограммга чейинки салмак ченинде: Айсалкын Кожомкул кызы жана Саяна Байызова - спорт чеберлери;

53 килограммга чейинки салмак ченинде: Мадина Надирова - спорт чебери;

55 килограммга чейинки салмак ченинде: Айбийке Артыкали кызы - спорт чебери;

57 килограммга чейинки салмак ченинде: Назира Марсбек кызы - спорт чебери;

59 килограммга чейинки салмак ченинде: Нураида Анаркулова - спорт чебери;

62 килограммга чейинки салмак ченинде: Айсулуу Тыныбекова - эл аралык даражадагы спорт чебери;

68 килограммга чейинки салмак ченинде: Мээрим Жуманазарова - эл аралык даражадагы спорт чебери;

76 килограммга чейинки салмак ченинде: Айпери Медет кызы - эл аралык даражадагы спорт чебери;

Башкы машыктыруучу: Нурбек Изабеков;

Ага машыктыруучу: Байгазы Кенжебаев.

13:58 06-08-2018

Автор: Нурсултан Нурболот уулу

Жазылуу

РУБРИКАДАГЫ СОҢКУ КАБАРЛАР

17:40 2024-04-24 | Саясат

Кыргызстан менен Азербайжан кызматташуу боюнча документтерге кол койду 71 0

17:35 2024-04-24 | Кылмыштар, кырсыктар

Милиция Чолпон-Атада каза болгон 2 индиялык жаран боюнча маалымат берди 195 0

17:22 2024-04-24 | Саясат

Садыр Жапаров менен Ильхам Алиев тар чөйрөдө сүйлөшүү жүргүзүштү 146 0

17:14 2024-04-24 | Коом жана турмуш

Бишкекте сырткы жарык берүүчү таянычтар иретке келтирилди 154 0

16:55 2024-04-24 | Бизнес-Инфо

MEGA ─ 18 жашта! MegaPay менен коомдук транспортто АКЫСЫЗ жол жүрүү 138 0

16:49 2024-04-24 | Кылмыштар, кырсыктар

Мамлекеттик салык кызматынын бир нече инспектору кармалды (фото) 537 0

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.