super.kg logo
  Саясат  

БШК Токтайым Үмөталиеванын Бишкек аймактык шайлоо комиссиясынын чечимин жокко чыгаруу боюнча арызын канааттандырган жок

 

Борбордук шайлоо комиссиясы Токтайым Үмөталиеванын Бишкек аймактык шайлоо комиссиясынын чечимин жокко чыгаруу боюнча 31-июлда жазган арызын карап, арызды канааттандырган жок. Мындай чечим бүгүн, 6-августта БШКнын 9 мүчөсүнүн Бишкек аймактык шайлоо комиссиясынын чечимине "макул" деген добушунун негизинде аныкталды.

БШКнын мүчөсү Алмаз Асаналиевдин пикиринде, Бишкек шаардык комиссиясы Үмөталиеванын арызын мыйзамдын негизинде караган.

"Мыйзам боюнча өзгөчө статустагы шаарлардын мэрин шаардык кеңештин фракциясы жана премьер министр гана көрсөтө алат. Биз Бишкек аймактык шайлоо комиссиясынын ишинен мыйзам бузуу тапкан жокпуз, шайлоого 1 талапкердин катышканы мыйзамга каршы эмес", - деди Асаналиев.

Ал эми БШК мүчөсү Атыр Абдрахматова бүгүнкү чечимде "каршы" деп добуш берген 2 адамдын бири. Анын айтымында, Бишкек аймактык комиссиясы талапкердин арызын толук кандуу караган эмес.

"Мыйзам боюнча Токтайым Үмөталиеванын арызын кабыл алышы керек болчу. Эгер Бишкек мэрлигине талапкердин документи жетишсиз болсо, аймактык шайлоо комиссиясы арызды кайтарып берип 24 саат ичинде талапкерге документтерин чогултуп келүүсүнө шарт түзүп бериши керек эле. Мындан сырткары аймактык шайлоо комиссиясы жыйын өткөргөндө экинчи тарапты чакырган эмес", - деди Абдрахматова.

Эске салсак, Токтайым Үмөталиева 30-июлда Бишкек мэрлигине талапкер болуу үчүн өзүн-өзү көрсөтүү жолу менен документтерин тапшырган. Бирок Бишкек аймактык шайлоо комиссиясы талапкерлерди шаардык кеңештин депутаттары жана премьер-министр гана көрсөтөрүн айтып, анын арызын кабыл алышкан эмес.




 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114370;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: