Ош облусундагы Ноокат районунун Борбаш айылынын өспүрүмдөрү футболго чоң кызыгуу артып, бош убактысын спорт менен өткөрүп жатат. Мындай билдирүүнү аталган айылдагы окурмандар "Элдик кабар" рубрикасына жөнөтүштү.
Маалыматка ылайык, жайкы каникулда айылдагы балдар 6 командага бөлүнүп кызыктуу оюндарды өткөрүшүүдө.
"Мындай кызыктуу каникулду айылдаш агабыз Сааданбек Абжапар уулу уюштуруп берүүдө. Ал мектепте окуп жүргөндө эле спортко жакын эле, биздин айылдан мыкты футболчулар чыгат деп мелдештерди уюштуруп турчу. Мектепти аяктагандан кийин Бишкек шаарындагы Дене тарбия академиясына окууга тапшырды. Ал азыр каникулга келип, айылдагы балдардан команда түзүп ойноп жатабыз.
Өзүбүздү Кыргыздын Топ-Лигасындай, Испания, Аргентина, Англиянын курамаларындай сезип, белгилүү футболчулардын атынан да атап алабыз. Агабыздын тилегин орундаткыбыз келет", - деп жазган окурман.
Анда белгиленгендей, айылда 2 футболдук оюн талаасы бар.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.