super.kg logo
  Саясат  

Саясий ишмер Кубатбек Байболов: "Кызматтан алынбай иштеш үчүн бийликтин партиясынан болушуң керек"

 

Юстиция министри Айнур Абдылдаева, өкмөттүн аппарат жетекчиси-министр Мурат Мукамбетов иштегенине 4 ай боло элек жатып кызматынан бошотулушту. SUPER.KG порталынын "Бул кадрдык өзгөрүүлөр эмнени билдириши мүмкүн?" деген соболуна саясий ишмер Кубатбек Байболов жооп берди.

Саясий ишмер өз сөзүндө, акыркы учурдагы кадрдык өзгөрүүлөр мамлекеттик түзүлүштүн начарлыгынан кабар бере турганын айтты.

"Бизде мамлекеттик кызматкерлер ар кандай себептерден улам кызматтан алынат. Биринчи кезекте географиясы, биографиясы туура келбегендер жана моюн толгогондор кызматтан бошотулат. Бул 30 жылдан бери келе жаткан жаман көрүнүш. Мындай нерселердин кайталана бериши мамлекеттик түзүлүштүн начарлыгынан, кесипкөйлүктүн төмөндүгүнөн кабар берет. Бул көйгөйдөн чыгууга узак убакыт талап кылынат. Адегенде бийликтин үч бутагын калыбына келтирүү зарыл. Өткөн чакырылышта жана азыркы парламентте отургандар топ-топ болуп алып бардык чарбалык иштерди чечип, кадрларды кызматка алып, кызматка бекитүүнү тескеп келишти. Бардык маселе мына ушул жараксыз тажрыйбадан келип чыгууда. Азыр мамлекеттик мекемени кызматтан түшпөй жетектеп туруу үчүн бийликтин партиясынан болушуң керек", - деди Байболов.

Жогорку Кеңештин депутаты Карамат Орозова, Жогорку Кеңештин экс-депутаты Асия Сасыкбаева, саясий ишмерлер Эмилбек Каптагаев, Мукар Чолпонбаев, саясат таануучулар Марат Казакбаев, Даниел Кадырбековдун пикири төмөнкү шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: