super.kg logo
  Саясат  

Экс-депутат Асия Сасыкбаева акыркы учурдагы кадр саясаты боюнча: "Мамлекеттик кызматты оюнчук кылып алышты"

 

Юстиция министри Айнур Абдылдаева, өкмөттүн аппарат жетекчиси-министр Мурат Мукамбетов иштегенине 4 ай боло элек жатып кызматынан бошотулушту. SUPER.KG порталынын "Бул кадрдык өзгөрүүлөр эмнени билдириши мүмкүн?" деген соболуна Жогорку Кеңештин экс-депутаты Асия Сасыкбаева жооп берди.

Сасыкбаева кадрларды алмаштыруудан майнап чыкпайт деген пикирде.

"Кадрларды алмаштыруудан эч нерсе өзгөрбөй келүүдө. Болгону элдин кыжырына тийип жатышат. "Жети жолу өлчөп, бир жолу кес" деген макал бар. Аны эске албай жатышат. Башында атка кыйшык отурушат, ошондуктан жасаган иштеринен мамлекетке пайда болбойт. Мамлекеттик кызматты оюнчук кылып алышты. Мамлекеттик ой-жүгүртүү жок, кыска мөөнөттүк кызыкчылыктар үстөмдүк кылууда. Акыркы жылдардагы шаар башчы кызматын карап көргүлө. Бул кызматка кимдерди гана алып келишкен жок. Соттолушту, кызматтан алынды, бирок сабак болгон жок. Бүгүн дагы шайлоо өткөрбөй бирөөнү коюшту, анткени шайлоо альтернативаны талап кылат. Эл мыйзамдарды бузбагыла десе да өз билемдик кылып дайындашты. Кыскасы, башаламан, мамлекет боло алабызбы деген коркунуч бар", - деди Сасыкбаева.

Жогорку Кеңештин депутаты Карамат Орозова, саясий ишмерлер Кубатбек Байболов, Эмилбек Каптагаев, Мукар Чолпонбаев, саясат таануучулар Марат Казакбаев, Даниел Кадырбековдун пикири төмөнкү шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117816;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: