super.kg logo
  Саясат  

Бишкектин биринчи вице-мэри ким болору белгилүү болду

 

Бишкек шаарынын биринчи вице-мэринин милдетин Алмаз Бакетаев аткарат. Бул тууралуу бүгүн, 14-августта SUPER.KG порталына ал өзү тастыктады.

Бакетаев буга чейин каржы министринин орун басары болуп иштеп келген.

Буга чейин бул кызматты Ренат Макенов аркалап келген. Ал Бишкектин №12-кичи районундагы 3,38 гектар жер тилкесин жеке жактарга мыйзамсыз түрдө бөлүп жиберген деп шектелген. Шаардык прокуратура аталган жердин менчикке берилиши боюнча 5-июнда кылмыш ишин козгоп, Макенов 6-июлда суракка чакыртылгандан кийин камакка алынган.

Алмаз Бакетаев 1971-жылы 20-январда Талас шаарында туулган. 1993-жылы Фрунзе политехникалык институтун, 1995-жылы Кыргыз мамлекеттик улуттук университетинин кадрларды кайра даярдоо жана квалификациясын жогорулатуу институтун аяктаган.

1993-1994-жылдары “Талас” ишканасында менеджер-программист;

1994-1995-жылдары Талас облусу боюнча салык полициясынын башкармалыгында инспектор-программист;

1995-жылы Талас шаары боюнча мамлекеттик салык инспекциясынын тышкы көзөмөл бөлүмүндө мамлекеттик салык инспектор;

1995-1996-жылдары Стамбул шаарында “Komsan” эл аралык соода жана маркетинг Түрк компаниясынын өкүлчүлүгүндө башкы менеджер;

1996-1997-жылдары Свердлов району боюнча мамлекеттик салык инспекциясында мамлекеттик салык инспектору;

1997-2000-жылдары Каржы министрлигинин ички аудит башкармалыгында жетектөөчү адис;

2000-2002-жылдары Каржы министрлигинин ички аудит кызматында башкы адис;

2002-2005-жылдары Каржы министрлигинин борбордук казынасынын сектор башчысы;

2005-жылы Чүй облустук регионалдык казына бөлүмүнүн башчысы;

2005-2010-жылдары Бишкек шаардык казына бөлүмүнүн башчысы;

2010-жылы Бишкек шаарынын мэриясына караштуу Ленин районунун акиминин орун басары;

2010-2012-жылдары Каржы министрлигинин Бюджеттик саясатты ишке ашыруу башкы башкармалыгынын башчысынын орун басары;

2012-2013-жылдары Каржы министрлигинин экономика тармактарынын чыгашаларын пландоо башкармалыгында жетекчи;

2013-жылы Каржы министрлигинде статс-катчынын милдетин аткаруучу;

2013-2015-жылдары каржы министринин орун басары;

2015-жылдын апрель-май айларында каржы министринин милдетин аткаруучу;

2015-2018-жылдары каржы министринин орун басары.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117864;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: