super.kg logo

ЖАМК кызматкерлери Бектур Асанов менен Кубанычбек Кадыровго түшүндүрүү иштерин жүргүзүштү. Алар ачкачылык кармоодон баш тартпай турганын айтышты

 

Камактагы саясатчылар Бектур Асанов менен Кубанычбек Кадыров ачкачылык жарыялашты. Бул тууралуу SUPER.KG порталына Жазаларды аткаруу мамлекеттик кызматынын басма сөз кызматынын жетекчисинин милдетин аткаруучу Толубай Жакишов билдирди.

"Бектур Асанов менен Кубанычбек Кадыров бүгүн, 16-августта саат 17:20да тамактануудан баш тартуу боюнча расмий билдирүү беришти. Алар Жогорку Соттун чечимин ала албай жатканына нааразы. Биздин кызматкерлер түшүндүрүү иштерин жүргүзүштү. Алар ачкачылык кармоодон баш тартпай турганын айтышты", - деди Жакишов.

Буга чейин "Саясий туткундарды коргоо" комитетинин мүчөсү Зульфия Марат Бектур Асанов менен Кубанычбек Кадыров өздөрүнө карата чыгарылган Жогорку Соттун чечими менен бүгүнкү күнгө чейин тааныша электигин айтып, ачкачылык кармаганын айткан.

2016-жылы 17-апрелде Бишкек шаарынын Биринчи Май райондук соту чыгарган өкүмгө ылайык, Бектур Асанов менен Кубанычбек Кадыров "кылмышка даярдануу" жана "бийликти күчкө салып тартып алуу" беренелери боюнча күнөөлүү деп табылып, 12 жылдан эркинен ажыратылган.

Алар соттун мындай чечимине нааразы болуп №47-абакта 2018-жылдын 30-январынан 21-февралына чейин кургак ачкачылык жарыялашкан.

2018-жылы 7-июнда Жогорку Сот өкүмдү өзгөртүп, ар бирин 8 жылдан кескен.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
16.08.2018. 20:27 
Тайпасы:
Жаран
Комментарийлердин саны:
842
Катталган:
07-10-2016
Соӊку аракети:
20-09-2018 09:34
Жынысы:
Белгисиз
+2
Бектур Асановду кыргыз улутуна чыккынчылык жасаган адам катары билем . Ош коогалаңынын алдында , өзбек сепаратисттерди жандап жүргөнүн билем. Ошол себептен чын жүрөктөн баары бир .

Жакшы иштерин жасагандар билсе, жазып кетиңиздер. Балким оюубуз оңуна өзгөрөт.
16.08.2018. 20:32 
Тайпасы:
Жаран
Комментарийлердин саны:
210
Катталган:
12-02-2018
Соӊку аракети:
20-09-2018 08:47
Жынысы:
Белгисиз
+2
Бектур Асанов Ош коогалаңына түздөн түз күнөөсү бар. Ал толук жазасын алып чыгышы керек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114370;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: