super.kg logo
  Саясат  

Депутат Анвар Артыков: "Айылдык, райондук же облустук башкаруучу органдын бирөө жоюлушу зарыл"

 

SUPER.KG порталынын "Өкмөттүн облустардагы өкүлчүлүктөрү жоюлса, акимчиликтер менен өкмөт түз иштешип, аймактардагы маселелерди чечүү жеңилдеп, мамлекеттик чыгымдар азаяр беле?" деген соболуна Жогорку Кеңештин депутаты Анвар Артыков жооп берди.

Артыков, жергиликтүү башкаруу тармагы реформа жүргүзүүгө муктаж экенин айтты.

"Негизинен жергиликтүү башкаруу тармагы реформага муктаж. Айылдык, райондук же облустук башкаруучу органдын бири жоюлушу зарыл. Өкмөттүн облустагы өкүлү деген туура эмес болуп калган, анын ыйгарым укугу болуш керек. Эгер районду жоё турган болсок, анда айылдарды бириктирип, чоңойтуп, өзүнчө аймактык орган түзүү кажет. Негизи эле жергиликтүү башкаруу тармагындагы баскычтардын бирин жоюш керек. Бул маселеде 20 жылдан бери ар кандай варианттар каралып келет, бирок жыйынтык чыга элек.

Эң башкысы, башкаруучу орган азайышы зарыл, себеби алардын ар бири аткаминер болуп эсептелет. Ошондуктан укугун көбөйтүп, санын азайтыш керек. Бир нерсени белгилеп коёюн, мисалы, кээ бир райондордон 3-4 эсе чоң айрым айыл өкмөттөрү бар. Ошондуктан бардык аймакта эле кыскартууга баруу керек деп айта албайм, ошол аймактын шартына карап башкаруу органын түзүү зарыл", - деди Артыков.

Жогорку Кеңештин депутаттары Карамат Орозова, Кенжебек Бокоев, вице-премьер-министр Алтынай Өмүрбекова, өкмөттүн Ысык-Көл облусундагы мурдагы ыйгарым укуктуу өкүлү Эмилбек Каптагаев, жарандык активист Алга Кылычевдин пикири төмөнкү шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -3 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117727;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: