super.kg logo
  Саясат  

Өкмөт башчы Кырчын жайлоосунун III Дүйнөлүк көчмөндөр оюндарына карата даярдыгын текшерди

 

Өкмөт башчы Мухаммедкалый Абылгазиев бүгүн, 18-августта Ысык-Көл облусунда жумушчу сапары менен жүрөт. Өкмөттүк аппараттан кабарлашкандай, Абылгазиев сапар алкагында Григорьев капчыгайындагы Кырчын жайлоосуна барып, андагы негизги курулуштар менен таанышты. Мында "Кыргыз айылы" боз үй шаарчасы түзүлөт жана бул жерде III Дүйнөлүк көчмөндөр оюндарынын алкагында маданий иш-чаралар өтөт.

Маалым болгондой, этно-шаарчаны электр энергиясы менен үзгүлтүксүз камсыздоо үчүн жеринде электр чубалгыларынын 80 түркүгү жана 5 трансформатор орнотулуп, чыгуучу дарбаза коюлуп, мал союучу жай жана жөө жүрүүчүлөр көпүрөсү курулган.

Ишти аткарып жаткан курулушчулар белгилегендей, бардык иштер өз убагында каржыланып жана белгиленген иштерди мөөнөтүнөн мурда аяктоо үчүн зарыл курулуш материалдары бар.

Андан соң Мухаммедкалый Абылгазиев Ысык-Көл районундагы Семеновка-Григорьевка кошумча унаа жолунун курулушу менен таанышты.

III Дүйнөлүк көчмөндөр оюндары 2-сентябрдан 8-сентябрга чейин Ысык-Көл облусундагы Чолпон-Ата шаарында, Булан-Сөгөтү айылында жана Кырчын жайлоосунда өтөт.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114449;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: