Бириккен улуттар уюмунун мурунку башкы катчысы Кофи Аннан каза болду. Бул тууралуу чет элдик басылмалар анын үй-бүлөсүнө шилтеме берүү менен жазып чыгышты.
Маалыматка караганда, ал 80 жашында Швейцариянын ооруканаларынын биринде көз жумган.
Африкалык дипломат Кофи Аннан 1938-жылы Гана өлкөсүндө туулган. Ал 1997-2006-жылдары Бириккен улуттар уюмунун башкы катчысы болуп иштеген. Ошондой эле 2001-жылы тынчтык үчүн "Нобель" сыйлыгына татыган.