Индонезияда өтүп жаткан Жайкы Азия оюндарында кыргыз балбаны Каныбек Жолчубеков грек-рим күрөшү боюнча мелдештин финалына өттү. Эми ал алтын медаль үчүн япониялык Ота Шинобу менен беттешет.
Ота Шинобу Рио-2016 Олимпиада оюндарынын күмүш медалынын ээси, Азия чемпиону жана бир нече ири мелдештердин жеңүүчүсү. Жалпы эсепте Шинобу 6 алтын, 5 күмүш жана 4 коло медалдын ээси.
Жолчубеков менен Шинобу буга чейин 1 жолу кездешкен. Анда япониялык балбан жеңүүчү болуп чыккан эле. Бул беттеш март айында Бишкек шаарында өткөн Азия чемпиондугунда болгон. Жолчубеков алгачкы эле беттешинде Ота Шинобу менен кез келип, Шинобу беттештин соңуна 1 мүнөт калганда таза жеңиш менен утуп алган.