АКШнын президенти Дональд Трамп Орусияга каршы киргизилген санкцияларды алуу боюнча маселени кайра кароого даяр экенин билдирди. Бул тууралуу ал чет элдик басылмалардын бирине берген маегинде айткан.
Трамптын билдиришинче, киргизилген санкцияларды алуу маселесин караш үчүн Орусия Украина менен Сирия маселесинде АКШнын каалоосун аткарышы керек.
"Өткөн айда Хелсинкидеги саммитте Крымдын аннексиясы, Чыгыш Украинадагы жаңжал боюнча маселелер сүйлөшүлдү. Ал саммитте Путин киргизилген санкцияларды алуу боюнча АКШга өтүнүч кылган жок", - дейт Трамп.
АКШ Орусияга каршы алгачкы санкцияларды 2014-жылы "Орусия Крым жарым аралын каратып алды жана Украинанын чыгышында агрессия жасады" деп киргизген.