Кыргыз балбаны Акжол Махмудов Индонезияда өтүп жаткан Жайкы Азия оюндарынын финалына өттү. Эми алтын медаль үчүн беттеште Акжол Махмудов ирандык Мохаммедали Герай менен кез келет.
24 жаштагы Мохаммедали Герай Дүйнө чемпиондугунун коло медалынын, Азия чемпиондугунун 2 жолку күмүш медалынын ээси жана клубдар арасындагы Дүйнө чемпиондугунун 2 жолку чемпиону.
Мохаммедали Герай Жалпы бириккен дүйнөлүк күрөш уюмунун алдындагы мелдештерде 12 медаль утуп алган. Анын ичинен 5и алтын, 5и күмүш жана 2си коло медаль.
Ал эми 19 жаштагы Акжол Махмудов жалпы 6 медалдын ээси, анын 5и алтын жана 1и күмүш медаль. Махмудов өспүрүмдөр арасындагы Дүйнө жана Азиянын 2 жолку чемпиону, жаштар арасындагы Азия чемпиону жана Дүйнө чемпиондугунун күмүш медалынын ээси. Жана Акжол Махмудов улуулар арасындагы күрөш боюнча Азия чемпиону.