super.kg logo
  Саясат  

Коомдук ишмер Бакыт Рыспаев президенттин ишмердүүлүгү боюнча: "Эл реформаны коррупциядан башка тармактарда да күтүп жатат"

 

Өлкө башчы Сооронбай Жээнбеков өзүнүн кайрылууларында, жолугушууларында элге жакын болорун, алардын үнүн угууга ар дайым даяр экенин айтып келет. Бирок өткөн жумада 3 шайлоочусу аймакка барган президентке жолугууга аракет кылганы үчүн кармалып, айып пул төлөөгө аргасыз болушту.

Мындан тышкары президент коррупционерлердин аттарын ачык айткыла, күрөшөбүз дегени менен, коомчулукта улам-улам айтылган ысымдар боюнча эч кандай реакция кылбай жатат.

Бул окуялар президенттин сөзү менен иштери боюнча коомчулукта түшүнбөстүктөрдү жаратууда. Буга байланыштуу SUPER.KG порталынын "Президенттин айткан сөздөрү менен аткарган иштери эмнеге төп келбей жатат?" деген соболуна коомдук ишмер Бакыт Рыспаев жооп берди.

Ал президент коомдогу окуяларга өз пикирин билдирип турушу керек деген ойдо.

"Президенттин эл менен жолугушууга барганда айрым адамдарды милиция кызматкерлери тосуп, жыйынга киргизбей койгону боюнча маалыматтар бизди да ойлонтуп жатат. Бул жерде президентти күнөөлөгөн туура эмес. Тегерегиндегилер жолугушууну жакшылап уюштурушу керек эле деген ойдомун. Мамлекетте болуп жаткан иштер боюнча социалдык тармактарда талкууларга президент же анын аппараты тарабынан реакция болуп турса деген пикирлер айтылууда. Мисалы үчүн, Роза Отунбаева президент кезинде социалдык тармактагы баракчасы аркылуу ар бир окуяга өзүнүн ой-пикирин билдирип турчу. Азыр андай болбой жатат. Бул багытта президенттик аппарат иш жүргүзүшү керек. Ал эми коррупция боюнча тергөө иштери болуп жатканын эл оң баалап жатат, бирок башка да тармактарда олуттуу, сезе турган реформаларды күтүп жатканын биз байкоодобуз", - деди Рыспаев

Жогорку Кеңештин депутаттары Акылбек Жапаров, Акылбек Жамангулов, саясат таануучулар Марс Сариев, Эмил Жураев жана журналист Нарын Айыптын пикири бул шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: