super.kg logo
  Саясат  

ЖЫЛНААМА, 23-АВГУСТ: Кыргыз Республикасынын экс-президенти жана КМШдан чыккан алгачкы президент айым Роза Отунбаева 68 жашка толду

 

Мамлекеттик ишмер, дипломат, укук коргоочу, философия илимдеринин кандидаты, Кыргыз Республикасынын экс-президенти жана КМШдан чыккан алгачкы президент айым Роза Отунбаева 68 жашка толду. Ал 1950-жылы 23-августта Ош шаарында туулган.

Роза Отунбаева Орусиянын М.Ломоносов атындагы Москва мамлекеттик университетинин философия факультетин бүтүргөн. 1975-1981-жылдары Кыргыз улуттук университетинде доцент, диалектикалык материализм кафедрасынын башчысы болуп иштеген.
1986-1989-жылдары Кыргыз Республикасынын министрлер кеңешинин төрагасынын орун басары болуп иштеп кийин СССРдин Тышкы иштер министрлигинин ЮНЕСКО иштери боюнча комиссиясынын төрайымы болот. 1991-жылы эгемендүүлүк алган Кыргыз Республикасына келип өлкөнүн вице-премьер-министри, тышкы иштер министри кызматтарын аркалаган. Роза Отунбаева Кыргыздын АКШ, Канада, Улуу Британия жана Ирландиядагы биринчи элчиси болуп иштеген.
2002-2004-жылдары БУУнун Баш катчысынын Грузиядагы атайын өкүлүнүн жардамчысы болот. Ал Кыргыз жерине кайтып келип 2004-жылы "Ата Журт" оппозициялык кыймылынын тең төрагасы, 2007-жылы Жогорку Кеңештин депутаты, Социал-демократтар партиясынын мүчөсү, 2009-жылы парламенттеги оппозициялык фракциянын башчысы болгон.
2010-жылы Апрель революциясынан кийин Убактылуу өкмөттүн башчысы, Элдик курултайдын Борбордук аткаруу комитетинин төрайымы болгон. 2010-жылдын июль айынан тартып 2011-жылдын 1-декабрына чейин Кыргыз Республикасынын өткөөл кездеги президенти болгон. 2011-жылдан бери өзү негиздеген "Роза Отунбаеванын демилгеси" фондун жетектеп келет.
23-августтун жылнаамасы.


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117840;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: