super.kg logo
  Саясат  

Бишкек шаардык кеңешинин төрагалыгына Кубанычбек Конгантиевдин талапкерлиги сунушталды

 

Бишкек шаардык кеңешинин "Кыргызстан" фракциясы төрагалыкка Кубанычбек Конгантиевдин талапкерлигин сунуштады. Бул тууралуу бүгүн, 24-августта SUPER.KG порталына аталган фракциянын лидери Таалайбек Сагынов билдирди.

"Кубанычбек Конгантиев тажрыйбалуу, төрагалык кызматка жашы дагы туура келет. Эки жолу шаардык кеңешке депутат болуп шайланган. Жыйындарда дайыма өзүнүн сунуштарын айтып келет. Ал төрагалыкка татыктуу талапкер", - деди Сагынов.

Кечээ, 23-августта Сагынов ар бир фракция бирден төрагалыкка талапкер сунуштоо жөнүндө сөз болгонун билдирген.

17-августта Бишкек шаардык кеңешинин төрагасы Алмаз Кененбаев президенттик аппараттын жетекчисинин биринчи орун басары болуп дайындалган.

Мыйзамга ылайык, шаардык кеңештин төрагасы илимий, педагогикалык жана башка чыгармачылык иштерден тышкары акы төлөнүүчү башка иш менен алектенүүгө укуксуз.

Кубанычбек Конгантиев мурдагы башкы прокурор Камбаралы Конгантиевдин баласы.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -2 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: