super.kg logo
  Саясат  

БШК Бишкек шаардык кеңешинин депутаты Алмаз Кененбаевдин ыйгарым укуктарын мөөнөтүнөн мурда токтотуу чечимин кабыл алды

 

Бүгүн, 27-августта Борбордук шайлоо комиссиясында Бишкек шаардык кеңешинин КСДП фракциясынан депутат Алмаз Кененбаевдин ыйгарым укуктарын мөөнөтүнөн мурда токтотуу маселеси каралды.

БШКнын мүчөлөрү Кененбаевди мандатынан ажыратуу чечимин бир добуш менен колдоду.

17-августта Алмаз Кененбаев президенттик аппараттын жетекчисинин биринчи орун басары болуп дайындалган.

Ал 1976-жылы 6-июнда төрөлгөн. Жогорку билимдүү.

Билими:

1993-1998-жылдары Кыргыз мамлекеттик университетинин "бухгалтердик эсеп, чарба ишмердигин көзөмөлдөө жана анализ" адистигин бүтүргөн.

2000-2003-жылдары Жусуп Баласагын атындагы Кыргыз улуттук университетинде окуп, "юрист" адистигине ээ болгон.

2007-2010-жылдары Кыргыз Республикасынын президентинин алдындагы башкаруу академиясынын "менеджмент" адистиги боюнча магистратураны окуган,

Эмгек жолу:

"Alma Group" ЖЧКсынын башкы директору.

2012-жылы КСДП партиясынын тизмеси аркылуу Бишкек шаардык кеңеште депутат.

2015-жылдын 26-октябрында Бишкек шаардык кеңештин төрагасы болуп шайланган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114277;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: