super.kg logo
  Саясат  

Коомдук ишмер Эмилбек Каптагаев: "Азыр миң аткаминерди камамак турсун атып таштаса дагы элдин жашоосу мурдагыдай эле кала берет"

 

Президент Сооронбай Жээнбеков коррупционерлердин атын ачык атагыла деп айткан. SUPER.KG порталынын "Президенттин бул чакырыгына ишенесизби же бул чакырык кайра эле бюрократиянын тосмосуна кептелеби?" деген соболуна коомдук ишмер Эмилбек Каптагаев жооп берди.

Ал коррупцияга каршы күрөш аягы жок иш деген пикирде.

"Президенттин "коррупционерлердин аттарын ачык айткыла" дегени - туура талап. Анткени баары эле коррупция күчөп кетти деп, бирок ошол коррупциялык иштин чоо-жайын, кимдер анан кандайча катыштыгы бар экенин айтпаса болбойт да. Ошол эле Экотехинспекцияны алсаңар деле, "Кыргыз темир жолун" алсаңар деле ушундай көрүнүш. Ачык айтылган факты жок.

Коррупцияга каршы күрөш - бул аягы жок иш. Буга чейин деле күрөш болгон, мындан кийин деле ондогон жылдар күрөш жүрө берет. Бул иш өлкөнүн өнүгүшүн, элдин жашоосунун жакшырышын камсыз кылбайт. Азыр миң аткаминерди камамак турсун атып таштаса дагы элдин жашоосу мурдагыдай эле кала берет. Коррупциянын азайышы өнүгүүгө шарт гана түзөт. Ал эми өнүгүү үчүн экономикада реалдуу иштер аткарылып, жалпы элдин күнүмдүк жашоосун камсыз кылып жаткан багыттарда алгылыктуу жылыштар болушу зарыл. Азырынча өкмөт тарабынан жигердүү аракет байкала элек", - деди Каптагаев.

Жогорку Кеңештин депутаттары Кенжебек Бокоев, Исхак Масалиев, Алтынбек Сулайманов, Мирлан Жээнчороев, Жогорку Кеңештин экс-депутаты Каныбек Осмоналиев жана саясат таануучу Орозбек Молдалиевдин пикири бул шилтемеде.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: