super.kg logo

Молдовада миңдеген адамдар митингге чыгып, өкмөттүн отставкага кетүүсүн талап кылышты

 

Эки күндөн бери Молдованын баш калаасы Кишинёв шаарында миңдеген адамдар өкмөткө каршы митингге чыгышууда. Алар премьер-министр Павел Филиптин отставкага кетүүсүн талап кылууда.

Жергиликтүү ЖМКлардын маалыматына караганда, митингге чыккандар өлкөдөгү мыйзамсыздык менен паракорчулук үчүн бийликти айыптап жатышат. Мындан сырткары Кишинёв шаарынын мэрин шайлоодогу БШКнын корутундусуна каршы чыгышып, “Платформа ар-намыс жана чындык” партиясынын атынан шайлоого катышып жеңишке жеткен Андрей Нэстасенин жеңишин таанууну бийлик жетекчилеринен талап кылууда.

Саламаттыкты сактоо, эмгек жана социалдык коргоо министри Борис Гылка митингге чыккандар тарабынан жабыркагандар катталбаганын айтты.

Учурда нааразычылыкка чыккандар шаардын борбордук бөлүгүнө 20дан ашуун чатыр тигип, атайын лагер орнотушат. Ал эми бийлик нааразылык учурунда башаламандыкка жол берилбеши үчүн коопсуздук чараларын күчөтүүдө.

Ушул жылдын 3-июлунда Кишинёв шаарынын мэрин шайлоо болуп өткөн. Анда оппозициялык партиядан чыккан Андрей Нэстасе жеңишке жеткен. Бирок сот добуш берүү күнү үгүт жүргүзүлгөн деп шайлоонун жыйынтыгын жокко чыгарган. Ошондон кийин оппозиция калкты көчөгө чыгууга чакырып келген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
118101;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: