super.kg logo

Синдзо Абэ 3-ирет Япониянын премьер-министри болмокчу

 
Синдзо Абэ.
Сигэру Исиба.
Сэйко Нода.

Япониянын учурдагы премьер-министри Синдзо Абэ Либерал-Демократтар партиясынын лидерлигине кайрадан талапкерлигин көрсөттү. Бул тууралуу чет элдик басылмалар жазышууда.

Маалыматка караганда, либерал-демократтар парламенттеги башкаруучу партия болгондуктан анын лидери болгон адам автоматтык түрдө Япониянын премьер-министри болот.

"Шайлоо 20-сентябрда өтөт. Ага 450 парламенттик жана 450 аймактык депутат катышат. Жеңип чыккан талапкер 2021-жылга чейин, башкача айтканда, 3 жыл бою башкаруучу партияны жана өкмөттү башкарат", - деп айтылат маалыматта.

Аталган шайлоого Япониянын мурунку коргоо министри Сигэру Исиба жана административдик иш жана коммуникация министри Сэйко Нода талапкерлигин көрсөткөн. Эксперттердин айтымында, Абэ кайрадан премьерликке шайлана алат. Себеби аны 70 пайыз партиялаштары колдойт. Эгер ал кайра өкмөт башына келсе, 2019-жылы аталган кызматта эң узак отурган япон саясатчысы катары тарыхта калат.

Синдзо Абэ алгач 2006-2007-жылдары премьер катары иштеп, 2012-жылдан бери Япония өкмөтүн башкарып келүүдө. 2017-жылы либерал-демократтар премьерликте тынымсыз иштөө мөөнөтүн 6 жылдан 9 жылга узартуу чечимин кабыл алышкан.

Японияда император формалдуу гана башкаруучу катары эсептелинет. Өлкөдөгү негизги ишти премьер-министр аткарат.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
118014;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: