super.kg logo

БУУнун эл аралык соту Ирандын АКШга карата дооматын кароону баштады

 

Кечээ, 27-августта Бириккен улуттар уюмунун Гаагадагы эл аралык соту Ирандын АКШга карата дооматын кароону баштады. Чет элдик басылмалардын жазганына караганда, соттук угуу 4 күнгө созулат.

Маалыматка ылайык, Ирандын сотко кайрылуусуна Вашингтондун бир жактуу санкциялары түрткү болгон. Иран бийлиги АКШны 1955-жылкы эки өлкөнүн “Достук, экономикалык байланыш жана консулдук укук” тууралуу келишимин бузду деп айыптоодо.

Тегеран өз дооматтарында АКШнын Иран ядролук келишиминен чыгуусу жана бир жактуу санкциялардын күчөгөндүгү, Вашингтондун келишимди бузгандыгына далил болуп бере аларын айткан. Ал эми Вашингтон болсо Иран бийлигинин дооматтарын четке кагууда.

Ушул жылдын 8-майында АКШнын президенти Дональд Трамп Иран ядролук келишиминен чыга тургандыгын маалымдаган. Ошондой эле ал Иранга эле эмес, бул өлкө менен соода-сатык алакасы бар өлкөлөргө да санкция киргизерин билдирген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114548;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: