super.kg logo

Каза болгон Бурулайдын атасы Коопсуздук кеңешинин катчысына жолукту

 

Акыркы кезде жарандардын укуктарына тиешелүү болгон маселелер боюнча президент Сооронбай Жээнбековго социалдык тармактар аркылуу кайрылуулар көп кездешүүдө.

Президенттик аппараттын басма сөз кызматы билдиргендей, Коопсуздук кеңешинин катчылыгы бул багытта мониторинг жүргүзүп, конкреттүү иштерди жүргүзүүдө.

Коопсуздук кеңешинин катчысы Дамир Сагынбаев жакында Мамэкотехинспекциясынын мурдагы басма сөз катчысы Анара Мамбеталиева менен жолугушту. Ошондой эле темир жолдо коррупция фактылары тууралуу маалымдаган Алия Асанбаева менен жолугушуу өткөрүлдү.

Мындан тышкары Коопсуздук кеңешинин катчысы каза болгон Бурулайдын атасы Турдали Кожоналиев менен жолугушту. Жолугушууда Турдали Кожоналиевге кызынын каза болгондугуна байланыштуу кылмыш иши боюнча конкреттүү түшүндүрүү иштери жүргүзүлдү. Бул кылмыш иши сотко өткөрүлүп, сентябрдын башында териштирүүлөр башталат.

Президент Сооронбай Жээнбековдун Жалал-Абад облусуна жасаган иш сапарында жергиликтүү калк менен жолугушуу өткөрүлгөн. Жолугушууда Базар-Коргон мамлекеттик жерге жайгаштыруу жана кыймылсыз мүлккө укуктарды каттоо кызматынын мурдагы кызматкери Таалайбек Исаев мамлекет башчысына Базар-Коргон райондук жерге жайгаштыруу жана кыймылсыз мүлккө укуктарды каттоо кызматынын мурдагы жетекчисине козголгон ишти жекече көзөмөлгө алууну өтүнгөн. Коопсуздук кеңеши кайрылууда айтылган жагдайларга юридикалык жактан баа берүү үчүн укук коргоо органдарына жөнөттү.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
28.08.2018. 19:35 
Тайпасы:
Жаран
Комментарийлердин саны:
Катталган:
02-04-2017
Соӊку аракети:
20-11-2018 00:00
Жынысы:
Белгисиз
+2
Укук коргоо органдарына кеткен бойдон жок болотда
28.08.2018. 20:53 
Тайпасы:
Жаран
Комментарийлердин саны:
20
Катталган:
08-07-2011
Соӊку аракети:
19-11-2018 23:45
Жынысы:
Белгисиз
0
Жайы жанната болсун Бурулайдын. Башкасынын кереги да жоок ..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117936;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: