super.kg logo

"Коопсуз шаар" долбоорун ишке ашырган компания түшкөн пайданын жарымына жакынын өзүнө алат

 

"Коопсуз шаар" долбоорун ишке ашырууга өкмөттөн акча жумшалбайт. Маалыматтык технологиялар жана байланыш мамлекеттик комитетинин басма сөз кызматынан кабарлашкандай, ага кеткен каражат долбоорду ишке ашырып жаткан компания тарабынан жумшалат. Мекеменин басма сөз катчысынын милдетин аткаруучу Зирек Асанованын айтымында, долбоорду ишке ашырган компания бул үчүн айып төлөөдөн түшкөн каражаттын жарымына жакынын өзүнө алып турмакчы.

"Бүгүнкү аукциондун алгачкы этабында орусиялык "Концерн радиостроения "ВЕГА" компаниясы утту. Экинчи этабында комиссия тарабынан компаниянын техникалык мүмкүнчүлүгү каралып, андан да утуп алган болсо, жеңүүчү деп табылат. Жеңүүчү компания талапка ылайык, сентябрь айынын аягында же октябрь айынын башында камераларды орнотуу иштерин баштоосу керек. Ага кеткен каражаттар өздөрү тарабынан жумшалып, мамлекеттен бир тыйын коротулбайт. Ошондуктан компания айып төлөөдөн түшкөн каражаттардын жарымына жакынын өзүнө алып турат. Башкача айтканда, бир айып пулдан 500 сом түшсө, анын 280 сому мамлекетке, 220 сому өздөрүнө калат. Ошентип белгиленген мөөнөт боюнча 5 жыл иштешет. Ал мөөнөт аяктагандан кийин долбоор жаңыдан ишке ашырылат", - деди Асанова.
4-сентябрда "Коопсуз шаар" долбоорун ишке ашыруучу компанияны тандоо боюнча аукцион жыйынтыкталды. Комитет долбоорду ишке ашыруу үчүн баштапкы баа 2,5 миллиард сом деп сунуштап, аукцион эки торук менен өттү. Көрсөтүлгөн 2,5 миллиард сомдон кайсы тарап аз сумма сунуштаса, анын шарттары жакшы болсо, жеңүүчү ошол болот.

Орусиялык компания 1-торукта 1 миллиард 225 миллион 765 миң сом, 2-торукта 1 миллиард 195 миллион 575 миң сом сунуштады.

Аталган долбоор боюнча аукцион өткөн айда уюштурулуп, бирок техникалык себептерден улам жыйынтыкталбай калган.

"Коопсуз шаар" "Акылдуу шаар" долбоорунун бир тармагы болуп саналат. Аталган идея 2012-жылдан бери түрдүү себептерден улам ишке ашпай келет.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117460;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: