super.kg logo

Дүйнөлүк көчмөндөр оюндарында үйлөнгөн жигиттин тою тууралуу даректүү тасма тартылды

 

III Дүйнөлүк көчмөндөр оюндарынын катчылыгынын мүчөсү Союзбек Надырбеков 4-сентябрь күнү сүйүктүүсүнө баш кошкон. Бул тууралуу ал SUPER.KG порталына өзү билдирген. Тойдун кандай өткөндүгү тууралуу ал төмөнкүлөрдү айтып берди.

"Биздин той Кыргыз өлкөсүндөгү тарыхый күндөрдүн биринде болду. Көчмөндөр оюндарынын автору бойдок мырзаларга "ушундай жакшы күндө үйлөнбөйсүңөрбү" деген сунуш айтты. Мындай сунушту укканда ким макул болот деген ой болгон. Кийинчерээк катчылыктын жетекчиси "сенин үйлөнүү тоюңду өткөрөлү, баарын уюштуралы" деди. Башында мен "эксперимент жасоочу эмесмин" деп макул болгон эмесмин. Ойлонуп көрсөм, чын эле мындай мүмкүнчүлүк ар бир адамга буюрбайт экен. Анан сүйлөшкөн кызыма айтсам, ал дагы кубануу менен кабыл алып, макул экенин айтты", - дейт Надырбеков.

Той ээсинин айтымында, ал учурдагы заманбап үйлөнүү тойлорду жактыра бербейт. Мындан улам кыргыздын эзелки салтын карманып той өткөрүүнү кыялданып келгенин айтты.

"Азыр көпчүлүгү каражаты жетпесе насыя алып, кортеж, фуршет уюштуруп, дүңгүрөтүп той берип калышпадыбы. Менин тоюм ошол катардагы окшош тойлордой болбосо экен, элибиздин ыйык туткан салт-санааларын, ырымдарын колдонуп үйлөнсөм деп кыялданчумун. Насип буюруп, жубайым экөөбүздүн тоюбуз тарыхый күнгө туш келди. Үйлөнүү тоюбуз 18-19-кылымдардагы учурду чагылдырды. Анда түндүк тарап түштүк тарапка кыз бергенин көрсөттүк. Кийген кийимдерибизди атайын ошол кылымда кийилген кийимдерге окшош кылып тиктирдик. "Жар-жарды" дос-курбуларыбыз айтып, өпкө чабылды. Айтор, бардык ырым-жырымдар көрсөтүлдү. Үйлөнүү той "Кийиз дүйнө" ордосунда өттү. Биздин башкы максатыбыз калың журттан бата алуу болду. Анткени "канчалык көп бата алсаң, турмушуң жакшы болот" деген түшүнүк бар эмеспи.

Ал эми III Дүйнөлүк көчмөндөр оюндарына келген чет өлкөлүктөр менин үйлөнүп жатканыма ишенбей жатышты. Башында шоу деп ойлогону менен, иш жүзүндө чын экенин билгенде "көчмөндөр оюндарына келип үйлөнүү тойдун күбөсү болорубузду күткөн эмеспиз" деп таң калганын жашыра алышкан жок", - деди ал.

Жаш түгөйлөрдүн үйлөнүү тою тууралуу даректүү тасма дагы тартылган. Союзбек Надырбеков мындан сырткары тасмада байыркы кыргыз элинин кудалашуу, сөйкө салуу, келин алуу, анын ичинде унутулуп, колдонулбай калган ырымдар жана үйлөнүү тойдогу эрежелер, өзгөчөлүктөр баяндаларын кошумчалады.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(6)
05.09.2018. 16:32 
Тайпасы:
Жаран
Комментарийлердин саны:
114
Катталган:
27-11-2013
Соӊку аракети:
19-09-2018 05:17
Жынысы:
Белгисиз
+2
Бактылуу болгула!
05.09.2018. 17:02 
Тайпасы:
Жаран
Комментарийлердин саны:
228
Катталган:
26-01-2017
Соӊку аракети:
18-09-2018 21:36
Жынысы:
Белгисиз
+4
Ана арабдын кийими дейсинер/Мына факт кыргыздар деле илгери узун кийинип ауратын эч кимге коргозгон эмес.
05.09.2018. 17:25 
Тайпасы:
Жаран
Комментарийлердин саны:
155
Катталган:
25-04-2018
Соӊку аракети:
18-09-2018 23:49
Жынысы:
Белгисиз
-2
Аурат деген соз жок
05.09.2018. 20:46 
Тайпасы:
Жаран
Комментарийлердин саны:
23
Катталган:
16-05-2018
Соӊку аракети:
18-09-2018 14:12
Жынысы:
Белгисиз
0
Chungyz, сен билбесен эле жок болуп калабы
05.09.2018. 22:22 
Тайпасы:
Жаран
Комментарийлердин саны:
72
Катталган:
05-04-2017
Соӊку аракети:
18-09-2018 23:55
Жынысы:
Белгисиз
+1
Chungyz,
Аурат деп илгертен эле айтып келишкен ата бабаларыбыз,аурат деп денени айтат.
05.09.2018. 17:32 
Тайпасы:
Жаран
Комментарийлердин саны:
344
Катталган:
03-05-2017
Соӊку аракети:
18-09-2018 21:59
Жынысы:
Белгисиз
+2
Бактылуу болгула.Мына кыргыздын тою.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114277;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: