super.kg logo
  Спорт  

Түштүк кореялык спортчу Виктор Ан кызынын окуусу үчүн спорттук карьерасын жыйынтыктады

 
Виктор Ан жубайы У На Ри менен
Виктор Ан менен У На Ринин кызы Жейн Ан

Коньки тебүүнүн шорт-трек түрү боюнча Олимпиада оюндарынын бир нече жолку чемпиону Виктор Ан карьерасын жыйынтыктады. Бул тууралуу орус маалымат агенттиктери коньки тебүү федерациясына таянып жазып чыкты.

Маалым болгондой, түштүк кореялык спортчу Виктор Ан үй-бүлөлүк шартына байланыштуу спорттук карьерасын жыйынтыктап, машыктыруучу болуудан дагы баш тарткан. Коньки тебүү боюнча федерациясынын президенти Алексей Кравцов: "Тилекке каршы, мыкты спортчулардын бири Виктор Ан карьерасын жыйынтыктады. Ал кызынын Түштүк Кореядан билим алышы үчүн Орусиядан кетип жатат. Федерациянын атынан спортчуга ыраазычылык билдиребиз. Ал бул жаатта чоң эмгек жасады", - деп билдирген.

Ан Хен Су 2011-жылга чейин Түштүк Кореянын шорт-трек боюнча курама командасында ойноп, 3 ирет Олимпиада чемпиону аталган. Муз үстүндө оор жаракат алгандан кийин ага операция жасалган. Ушундан улам ал өз өлкөсү үчүн сынактарга чыгуу мүмкүнчүлүгүнөн ажыраган. 2011-жылдан тарта Орусиянын жарандыгын алып, ысымын Виктор Ан деп өзгөрткөн. 2014-жылы Сочиде өткөн Кышкы олимпиада оюндарына катышып, 1 алтын жана 1 коло медаль тагынган.

Маалымат үчүн: Виктор Ан 1985-жылы 23-ноябрда Түштүк Кореянын Сеул шаарында төрөлгөн. Ал дүйнөлүк кубоктун 7 жолку, Олимпиада оюндарынын 6 жолку, Дүйнөнүн 6 жолку абсолюттук чемпиону, Дүйнөнүн 20 жолку жана Орусиянын, Түштүк Кореянын, Европанын бир нече жолку чемпиону.

Үй-бүлөлүү, 1 кыздын атасы.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
05.09.2018. 18:44 
Тайпасы:
Жаран
Комментарийлердин саны:
14
Катталган:
12-09-2017
Соӊку аракети:
16-11-2018 00:31
Жынысы:
Белгисиз
+3
Женчусун женди,алчусун алды.Эми кызына кам коруп,жаш спортчуларды даярдай турган убак келди.
05.09.2018. 20:20 
Тайпасы:
Жаран
Комментарийлердин саны:
22
Катталган:
19-02-2018
Соӊку аракети:
15-11-2018 19:33
Жынысы:
Белгисиз
+2
Сочиде 3 алтын алган.500метрге.1000м.эстафетадан.1коло медаль 1500м.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117727;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: