super.kg logo

Улан Саляновдун өлүмү боюнча кийинки соттук отурум 20-сентябрга дайындалды

 

Аида Салянованын иниси Улан Саляновдун өлүмү боюнча кийинки соттук отурум 20-сентябрга саат 15:00гө дайындалды. Соттук кароо залга соттолуучу Эрмек Осмонкулов алынып келбегендигине байланыштуу жылдырылды.

Белгилүү болгондой, Жаза аткаруу мамлекеттик кызматынын Коргоо жана конвоирлөө департаментинин кызматкерлерине Биринчи Май райондук сотунан соттолуучуну СИЗО-1ден райондук сотко алып келүү тапшырылган. А бирок конвоирлер СИЗО-1ге барышканда соттолуучу УКМКнын СИЗОсунда кармалып жаткандыгы айтылган.

Ошондой эле соттук отурумга катышкандар соттолуучу алынып келбегендигине нааразычылыгын билдиришти. Айыпталуучунун туугандары ал ур-токмокко алынып жаткандыгын билдиришти. Ал эми соттук отурумдун айрым катышуучулары сот жыла берсе улам Оштон келип-кетүү оңой эместигин айтышты.

Эскерте кетсек, 2017-жылдын 6-ноябрына караган түнү депутат Аида Салянованын 42 жаштагы иниси Улан Саляновду Бишкекте белгисиз адамдар өз үйүнөн атып кетишкен. Кийин анын өлүмүнө шектелип Бишкек шаарынын 32 жаштагы Э.О. аттуу тургуну кармалган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117936;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: