super.kg logo
  Саясат  

Профессор Таалай Эсеналиев: "Кытайга болгон карызды төлөөгө тоскоолдук кылып жаткан күчтөр бар"

 

Кыргыз өлкөсүнүн Кытайга болгон карызын төлөөгө тоскоолдук кылып жаткан күчтөр бар. Мындай пикирин Кыргыз өлкөсүндөгү уруулардан түзүлгөн топтун аксакалдар кеңешинин мүчөсү, философия илимдеринин кандидаты, профессор Таалай Эсеналиев 7-сентябрда өткөргөн маалымат жыйында айтып чыкты. Анын айтымында, ал күчтөр Кыргыз өлкөсүндө.

"Карызды төлөөгө тоскоолдук кылып, кайра карызды көбөйтүүгө кызыкдар күчтөр Кыргыз өлкөсүндө эле жүрөт. Аларга элдин, жердин кызыкчылыгы жок. Учурда чет өлкөлүк атайын кызматтардын катышуусунда операция жүрүп жатат", - деди Эсеналиев.

Кыргыз өлкөсүндөгү уруулардан түзүлгөн топтун аксакалдар кеңеши СССРдин жарандарынын чогулткан байлыктары бар экенин, аны кайтарып тышкы карызды төлөө керек экендигин сунушташууда. Бирок ал байлыктын көлөмү, кайда жатканын жана ким пайдаланып жатканын ачык айта алышкан жок.

Каржы министрлигинин маалыматына ылайык, Кыргыз өлкөсүнүн тышкы карызы учурда 3 миллиард 800 миллион доллардан ашса, анын 1,7 миллиард доллары Кытайга болгон карыз.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117727;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: