super.kg logo
  Спорт  

Көк бөрү боюнча Казакстандын командасы Москва оюнчуларын утуп, 1 миллион сом байгеге ээ болушту

 

Бүгүн,7-сентябрда Ысык-Көл облусунун Бактуу-Долоноту айылындагы ат майданда көк бөрү боюнча финалдык беттештер орун алат. Азыркы учурда Казакстан-Москва беттеши башталып, эки команданын оюнчулары оюн талаасына чыгышты. Алар үчүнчү орун үчүн күч сынашмакчы.

16:01. Казакстан курамасы алгачкы мүнөттөрдө улакты эңип, эсеп санын ачты. Тай казанга улакты казакстандык Курманбек Турганбек таштады.

16:03. Казак улакчысы Курманбек Турганбек кайрадан айырмаланып, эсепти 2:0 кылып койду.

16:04. Улак оюн талаасынан чыгып, жекеме-жеке беттеш орун алууда. Азырынча ортодо казак улакчы мыкты болууда.

16:06. Эсеп 3:0гө айланды. Кайрадан Курманбек Турганбек мыктылыгын көрсөттү.

16:09. Жогорудагы аты аталган улакчы 4-улакты таштап, эсеп санын 4:0гө жеткирди.

16:10. Москва командасынын оюнчусу жекеме-жеке беттеште эреже бузганы үчүн 2 мүнөткө жазаланды. Эки команданын кызуу беттешине 8 миңден ашуун көрүүчү күбө болуп жатат.

16:13. Казактардын 2-сан катарындагы оюнчусу мыктылыгын көрсөтүүдө. Курманбек Турганбек эсепти 5:0 кылды.

16:17. Курманбек Турганбектин эсепти алмаштырууга дагы бир мүмкүнчүлүгү бар болчу. Бирок ал ыргыткан улак тай казандын сыртына түшүп калды. Кайрадан чабуулга өтүп, эсеп санын арттырды. Эсеп 6:0.

16:19. Москва командасынын оюнчусу Самат Нурашев улакты тай казанга таштаганга мүмкүнчүлүгү бар болчу. Бирок казак улакчылар каршылык көрсөтүп, улакты тай казанга таштаткан жок.

16:20. Оюндун биринчи бөлүгү жыйынтыкталып, командалар тыныгууга кетишти.

16:35. Оюндун экинчи бөлүгү башталып, беттеш кызуу жүрүүдө. Азырынча эсеп саны өзгөрө элек.

16:36. Жекеме-жеке беттеште Москва командасынын оюнчусу мыкты болгон. Бирок казак оюнчусу улакты тартып алды. Улак оюн талаасынан чыгып кетти. Кайрадан жекеме-жеке бетеш орун алат.

16:40. Москва курамасынын улакчысы эреже бузуп, 2 мүнөткө жазаланды.

16:44. Казакстандык Жасулан Айтбаевдин эсепти 7:0 кылганга мүмкүнчүлүгү бар болчу. Бирок анын ыргыткан улагы тай казанга түшпөй калды.

16:47. Улак тай казанда. Казакстандык Ынтымак Алипбаев эсеп санын 8:0гө жеткирди.

16:49. Эсеп 9:0 болду. Курманбек Турганбек бул беттештеги 7-улагын таштады.

16:52. Оюндун экинчи бөлүгү аягына чыкты.

17:09. Оюндун 3-бөлүгү старт алды.

17:11. Эсеп 10:0 болду. Курманбек Турганбек кайрадан мыктылыгын көрсөттү.

17:13. Курманбек Турганбек өнөктөшү менен бирге улакты тай казанга салып эсепти 12:0 кылды.

17:16. Эсеп 13:0 болду. Ынтымак Алипбаев айырмаланганга үлгүрдү.

17:17. Эсеп 14:0. Курманбек Турганбек өзүнүн 10-улагын атаандашынын тай казанына таштады.

17:19. Ынтымак Алипбаев эсепти 15:0гө айлындырды. Москва командасы казак оюнчуларына тоскоолдук жарата албай жатышат.

17:22. Курманбек Турганбек эсепти 16:0 кылып салды. Казак улакчылары москвалыктарга мүмкүнчүлүк бербей жатат.

17:23. Жасулан Айтбаев мыкты салым менен айырмаланды. Эсеп 17:0.

17:24. Москвалыктардын аракети ишке ашып, акыркы мүнөттөрдө Азамат Аттокуров эсепти 17:1 кылды.

17:25. Оюн жыйынтыкталды. Казак улакчылар 17:1 эсеби менен жеңишке жетип, 1 миллион сом байгеге ээ болушту.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(4)
07.09.2018. 17:40 
Тайпасы:
Жаран
Комментарийлердин саны:
5
Катталган:
29-01-2018
Соӊку аракети:
25-09-2018 23:14
Жынысы:
Белгисиз
0
Орустар мурда ойноп корбосо керек байкуштар эптеп ойношту да
07.09.2018. 17:59 
Тайпасы:
Жаран
Комментарийлердин саны:
21
Катталган:
03-06-2014
Соӊку аракети:
25-09-2018 21:28
Жынысы:
Белгисиз
0
Cibek,Москвалык кыргыздар, орусияда жашап жарандык алган кыргыздар баары.
07.09.2018. 19:42 
Тайпасы:
Жаран
Комментарийлердин саны:
5
Катталган:
29-01-2018
Соӊку аракети:
25-09-2018 23:14
Жынысы:
Белгисиз
0
bakyt9,аа ошондойбу мен орустарды элестетип алыптырмын
07.09.2018. 21:08 
Тайпасы:
Жаран
Комментарийлердин саны:
26
Катталган:
24-09-2015
Соӊку аракети:
26-09-2018 02:15
Жынысы:
Белгисиз
0
Cibek,орустарын озу атка жакын бара алабы десен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114713;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: