"Өзгөндүн борбордук көчөлөрүнүн чаңы асманга сапырылып жатат", - деген билдирүүсүн окурман SUPER.KG порталынын "ЭЛДИК КАБАР" рубрикасына жөнөткөн.
Окурмандын билдиргенине ылайык, Өзгөн шаарынын борборунда жайгашкан көчөлөр мышык ыйлаарлык абалда.
"Сүрөттөрдө Өзгөн шаарынын борборунда жайгашкан көчөлөр тартылган. Анда көрүнүп тургандай көчөнүн чаңы көккө сапырылат. Шаар башкармалыгы асфальт төшөп беребиз деген убадасын аткарган жок. Асфальт төшөбөсө дагы, жок дегенде шагыл төктүрүп берсе болмок. Азыркы убакта чаңдап жатса, эми жаан-чачын башталган соң баткакка айланып, эл жол менен баса албай калат. Тиешелүү органдар ушул көйгөйгө көңүл буруп, чечип берсе жакшы болмок", - деп билдирген окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.