super.kg logo

Нарында 10-декабрга чейин адам сатууга каршы акция өтөт

 

Нарын облусунда 10-сентябрдан 10-декабрга чейин адам сатууга каршы акция өтөт. Бул тууралуу өкмөттүн аталган облустагы өкүлчүлүгүнүн басма сөз кызматы билдирди.

Иш-чаранын максаты адам сатуу, эмгекке мажбурлоо көйгөйлөрүн чечүүдө мамлекеттик органдар, жергиликтүү өз алдынча башкаруу органдары жана жаштар уюмдарына маалыматты жеткиликтүү кылуу болуп эсептелет.

"Адам сатууга каршы 100 күн" акциясынын алкагында 16 жаштан 20 жашка чейинки жаштар менен жолугушуулар, "Орган сатуу- кылмыш. Балдарды сатуу - кылмыш" аттуу темада дебат, спорттун футбол, волейбол жана хоккей түрлөрү, макала жазуу, сүрөт тартуу боюнча мелдештер өткөрүлөт.

Өкмөттүн Нарын облусундагы ыйгарым укуктуу өкүлүнүн орун басары Жаркын Ибраева адамдарды сатууга каршы күрөшүү багытында облустук Кординациялык кеңеш түзүлүп, аймактарда иш-чаралар кабыл алынганын айтты. Ошондой эле чет өлкөгө чыгуунун коркунучтары, эрежелери боюнча жаштарга, окуучуларга, ата-энелерге ар кандай форматта түшүндүрүү иштери жүргүзүлүп жатканын белгиледи.

Эске салсак, мындай аталыштагы акция биринчи жолу республиканын аймагында 2017-жылдын 31-июлунан баштап жыл аягына чейин Ош, Баткен, Жалал-Абад, Талас, Нарын, Ысык-Көл, Чүй облустарында эстафета катары уюштурулган. Нарын облусунда аталган акция өткөн жылдын 4-октябрынан 18-октябрына чейин өткөрүлгөн.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117864;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: