Иранда 27 киши аракка ууланып каза болду

Иранда 27 киши аракка ууланып каза болуп, 176 адам ооруканага жаткырылды. Бул тууралуу чет элдик маалымат каражаттары жазып чыгышты.

Жергиликтүү өзгөчө кырдаалдар кызматынын маалымат катчысы Мойтаба Халединин 30-сентябрда билдиргенине караганда, өлкө боюнча сентябрь айынын акыркы күндөрү спирт ичимдиктерине ууланып жалпы 302 адам ооруканага жаткырылган.

Адамдардын өлүмү Түндүк Хорасан, Хормозган, Альборз жана башка провинцияларда катталган. Каза болгондордун көбү Хормозган провинциясынан, Ирандын Саламаттыкты сактоо министрлиги билдиргендей дагы 8 кишинин абалы оор.

Спирт ичимдиктерин үй шартында мыйзамсыз жасагандар жана саткандар полиция тарабынан колго түшүрүлгөн. 1979-жылкы революциядан кийин Иранда спирт ичимдиктерин сатууга тыюу салынган. Бирок буга карабастан алкоголдук ичимдиктерди саткандардын саны арбын.

Айта кетсек, сентябрь айынын башында Кереж шаарында 40 киши аракка ууланып ооруканага түшкөн, алардын төртөө көз жумган.

09:49 01-10-2018

Автор: Айзада Тураркулова

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 318 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 704 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 584 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 559 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 434 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 913 0

Архив

Комментарийлер (5)

Rifle_I

2018-10-01 10:22:39

Кыргызстанда сан жетпейт. Аракка ууланып, реанимацияда канчасы өлдү.

Koichuman

2018-10-01 11:02:49

Кыргызстанда ушундай кылып чыгарсын аракты эч ким ичкис болот эле.

Baatirbek81

2018-10-01 11:32:40

Кыргызстанда арак сатырбай койгон айылдарда арак ичем деген киши бат эле таап ичет,бирок мына ошондо колго жасалган самапалдарды көп ичишет зыйаны канча.

Respect.

2018-10-01 12:44:35

Арак саткандарды эмес ичкендерге иш козгобойбу, ичем деген адам любой жерден таап ичет. Эч ким ичпей койсун, бекитип жасагандар эмес, ачыка чыгып жасаса дагы эч ким ичпей банкрот болот...

patiydin

2018-10-01 13:30:56

Урматту окурман! Кайсыл нерсеге тыю салынса ошол нерсеге талап кобойот. Бул жашоонун мыйзамы. Болгону чегаралап коюш керек.

Комментарий калтыруу үчүн өз ысымыңыз менен кириңиз же каттоодон өтүңүз.