Жалал-Абад ОИИБи: "Базар-Коргондо көңүлдөш болуп жүргөн аял менен эркек айылдашын өлтүрүп, андан соң өрттөп жиберишкен"
Шектүүлөрдүн бири Мунира
Шектүүлөрдүн бири Калбатыр
Маркумду ушул кырдан түртүп жиберишкен
Жалал-Абад облусунун Базар-Коргон районунда аял жана эркек айылдашын өлтүрүп, андан соң сарайга алып барып өрттөп жиберишкен. Бул тууралуу Жалал-Абад ОИИБинин басма сөз кызматы окуяны тастыктап, төмөнкүлөрдү билдирди.
Маалым болгондой, окуя 26-сентябрдан 27-сентябрга караган түнү саат 02:00 чамасында Базар-Коргон районунун Талды-Булак айыл аймагынын Ак-Терек (Каба) айылында катталаган.
Аталган айылдын 62 жаштагы тургуну Мамарасул А. айылдашынын үйүн карап, ошол жерде жашап келген. Дал ушул үйдүн чөп жыйган сарайынан өрт чыгып, Мамарасул А. сарай менен кошо күйүп каза болду деген маалымат Базар-Коргон РИИБине келип түшкөн. Окуя болгон жерге барган ыкчам-тергөө тобу өлүмдүн жана өрттүн себептерин аныктоо максатында тиешелүү экспертизаларды дайындап, текшерүү иштери башталган. Ал эми маркумдун уулу жана жакындары эч кимге арыз-доосу жок экенин, анын кырсыктан каза болгонун билдирип, арыз жазуудан баш тартышкан.
Базар-Коргон РИИБинин криминалдык милиция кызматкерлери бул жөн гана өрт кырсыгы эмес, атайын өрт коюу болушу мүмкүн деген божомолдо иликтөө жүргүзө баштаган. Мындан улам окуянын келип чыгуу себептери аныкталып, эки күн ичинде кылмышка шектүү катары аталган айылдын эки тургуну Калбатыр аттуу эркек киши жана Мунира аттуу жалгыз бой аял кармалган.
"Алгачкы көрсөтмөгө таянсак, шектүүлөр Калбатыр жана Мунира көңүлдөш мамиледе болушкан. Ошондой эле шектүү аял каза болгон Мамарасул А. менен да жакын ымалада болгон. Шектүү Мунира каза болгон адамдын 950 миң сом акчасы бар экенин билип, акчасын алуу максатында анын көзүн тазалоону ойлогон. Бул ишке ал көңүлдөшү Калбатырды көндүрүп, экөө биргелешип ээн талаада маркумдун колу бутун байлап, оозун таңып, бийиктиги 4 метр болгон тик кырдан түртүп жиберишкен. Маркум алган жаракатынан улам ошол жерден каза болгон. Андан соң маркумдун жансыз денесин өзү жашап келген үйдүн сарайына алып барып таштап, үйүнө кирип көздөгөн 950 миң сомду издеп башташкан. Жыйынтыгында болгону 750 сом гана табышкан. Кайра келип сарайда жашырылган маркумду жыйылган чөбү менен кошо бензин чачып өрттөп салышкан", - деди басма сөз кызматы.
Басма сөз кызматынан маалымдашкандай, эки шектүү кылмыш ишин жасоону бири-бирине шылтоодо. Аял "бул кылмышты жасоого көңүлдөшүм мажбурлаган" десе, шектүүлөрдүн бири Калбатыр "Мунира Мамарасулду телефон чалып чакырып, колу-бутун таңып, анан мени жашынтып койгон жеринен чакырып келип, аны кырдан ылдый түртүп жибер деп буюрган" дейт.
Катталган окуя боюнча Кылмыш-жаза кодексинин 97-беренеси (адам өлтүрүү) боюнча кылмыш иши козголуп, шектүүлөр убактылуу кармоочу жайга киргизилди. Учурда тергөө иштери уланууда.
Атандын гору карыганда конулдош болуп калжандашып, эми карылыктын доорун уйдо эмес абакта сурот экенсинер да.
+6
Tansuluu09
2018-10-03 13:56:41
Чон эне , чон ата болуп уйдун торун гулдотуп гулдотуп отурбай кылган иштерин (( уят !
+4
Samar90
2018-10-03 14:02:24
Башын менен кара жэрге киргир
+2
Pandora
2018-10-03 14:02:50
Жашка да,каарыга да ынсап берсин кудайым.Каарыганда калчанда уул-кызын кайын журтунун алдында тилин кысык кылып,жер каратып.Уят !!!
+3
pat12
2018-10-03 14:03:38
Мындай эпизод менен жакшы фильм тартса болчудай экен. Оскар алат.
-6
Koichuman
2018-10-03 14:46:28
Аллахым силерге жазанарды берсин！
+1
raykray
2018-10-03 16:01:33
Кудай сакта чоон адамдар, ананда акча учун гана(
+1
-Sumitra-
2018-10-03 17:08:47
Туугандар экен да.Булар акча учун атасын да сатышат.
+4
Gulnyr19
2018-10-03 23:05:12
-Sumitra-,аа түшүнүктүү анда
0
anonymous
2018-10-03 22:46:02
Эки эркектин башын жептир
-1
monster_high_98
2018-10-04 01:51:26
Силердин "кырынар"кобуроок жарга окшошго...Каарыса да журок жаш бойдон болуп.. Откондогу Ромео Джульеттага окшоп карыганда "жигитим"деп чыкпаганына шугур
0
muni.98-98
2018-10-04 06:30:06
Жаштар бузулуп кетти, жаштар андай жаштар тигиндей дейт. Жаштардын бузулушуна туздон туз улуу муундун тиешеси бар. Алар туура айтып тарбия берип эле калбай оздорунун да журуш-турушу менен улгу болуусу керек.
+1
Rysik17
2018-10-04 08:53:05
Тооба кылдым,кудай сактай кор! Адам эмес айбан кейпин кийип калдыкго!
+1
Комментарий калтыруу үчүн өз ысымыңыз менен кириңиз же каттоодон өтүңүз.
