super.kg logo

Владимир Путин Хабиб Нурмагомедовго: "Сени катуу жазалабасын деп атаңдан суранам"

 

Орусиянын президенти Владимир Путин мушкер Хабиб Нурмагомедов жана анын атасы Абдулманап Нурмагомедов менен Ульяновск шаарында "Орусия - спорттук держава" форумунун алкагында жолукту. Бул тууралуу орусиялык басылмалар жазып чыгышты.

Маалыматтарга ылайык, Путин спорттун түпкү максаттары кирешеден жана жарнамадан жогору турарына үмүттөнөрүн айтты. Орусиянын президенти бул сөз Хабибдин атаандаштарынын командаларына тиешелүү экенин баса белгиледи. Мындан тышкары ал мушкерге атаандаштары менен мыкты адамдык мамилелер түзүлөрүн каалады.

Нурмагомедов өз сөзүндө коомчулук анын "секирүүсүн" эмес, мушташын баалай турганына ишенерин билдирди. "Менин атаандашым (Макгрегор) ата-энеме, өлкөмө орой мамиле жасаган. Мен өзүмдү татыктуу алып жүрдүм. Бирок айрым учурда өзүмдү кармай албадым, анткени мушташ учурунда провокациялар уланып жаткан. Сот биздин пайдабызга чечим чыгарат деп үмүттөнөм", - деди Нурмагомедов.

Путин бул провокациялар атайын жасалган иш экенине түшүнөрүн айтты. "Эгер кимдир бирөө бизге сырттан чабуул жасаса, сен гана эмес, биз бардыгыбыз ушундай секиришибиз мүмкүн, кийин өздөрүнөн көрүшсүн. Бирок мындайга жеткирбеш керек", - деди Путин.

Ошондой эле Орусиянын лидери мушташтан кийинки окуя боюнча пикирин айтып жатып, "сени катуу жазалабасын деп атаңдан суранам" деп айтты.

Буга чейин Хабибдин атасы жана машыктыруучусу Абдулманап Нурмагомедов тартип баарынан жогору туруш керек деп, баласын UFC`ден да катуу жазалай тургандыгын билдирген.

7-октябрда өткөн беттеште Хабиб Нурмагомедов Конор Макгрегордун үстүнөн жеңишке жетип, чемпиондук курун сактап калган. Бирок мушташ аяктаган соң орусиялык мушкер Макгрегордун санаалашы Диллон Дэниске атырылып, октагондон ашып өтүп, уруша кетишкен.



Путин Хабиб менен жолукту

 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Комментарийлер(3)
11.10.2018. 10:39 
Тайпасы:
Жаран
Комментарийлердин саны:
70
Катталган:
05-01-2018
Соӊку аракети:
20-10-2018 17:17
Жынысы:
Белгисиз
-4
Хабиб журогумон оорун алдын го
Медиа-портал
11.10.2018. 11:34 
Тайпасы:
Жаран
Комментарийлердин саны:
9
Катталган:
03-04-2017
Соӊку аракети:
20-10-2018 13:05
Жынысы:
Белгисиз
+12
Дуйнонун эн акылдуу президентеринин бири В В Путин рахмат эн жакшы поддержка для спортсмена.
11.10.2018. 16:15 
Тайпасы:
Жаран
Комментарийлердин саны:
325
Катталган:
19-04-2014
Соӊку аракети:
16-10-2018 17:34
Жынысы:
Белгисиз
Калаасы:
Ala-Buka
+7
Оо Путин Путиндигин кылыптыр азамат! Хабибке курч кырдаалда эн сонун поддержка болду.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
116146;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: