super.kg logo

Депутат: "Канаттуулардын оорусу тууралуу тарап жаткан маалымат ишкерлерге бут тосушу мүмкүн"

 

Жогорку Кеңештин 11-октябрдагы жыйынында депутат Рада Туманбаева Казакстандан келип жаткан канаттуулардын этине убактылуу чектөө киргизүү тууралуу такталбаган маалымат тарап жаткандыгын айтып чыкты.

Эл өкүлү аталган маалымат канаттуулардын этин ташып иштеген ишкерлердин жумушуна тоскоолдук жаратышы мүмкүн экенин айтып, Ветеринардык жана фитосанитардык коопсуздук боюнча инспекция бул боюнча маалымат бербей жатканын сынга алды.

"Ушул жылдын 9-октябрынан бери Ветеринардык жана фитосанитардык коопсуздук боюнча инспекция тарабынан интернет булактарына токтом жайылууда. Ал токтомдо Ветеринария жөнүндө мыйзамына негизделип канаттуулар оорусу боюнча иликтөө тууралуу сөз болуп жатат. Ошого ылайык, Казакстандын канаттууларынын этине убактылуу тыюу салуу боюнча жана маалымат таркап жатат.

Тамак-аш коопсуздугу адамдын ден соолугуна түздөн-түз тийиштүү. Жогорку Кеңештин тиешелүү комитетине аталган инспекциядан маалымат келип түшкөн жок. Мындан сырткары мамлекеттик телеберүү жана радиолорго бул тууралуу айтылган жок. Ошондой эле аты аталган инспекция бул маалыматтын чын-төгүнү тууралуу маалымат берген жок. Бул маалыматтар менен ушул тармактагы керектөөчүлөрдүн укугун жана ушул тармактагы ишкерлердин жумушуна тоскоолдук көрсөтүп жаткан жокпузбу? Казакстандын айыл чарба министри бул маалыматты төгүнгө чыгарууда", - деди Түмөнбаева.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
116146;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: