Швейцария элчилигинин миссия башчысынын орун басары: "Кыргыз-Казак ортосундагы суу маселесин дүйнөлүк коомчулуктун талкуусуна коюу керек"

Кыргыз өлкөсү менен Казакстандын ортосундагы суу маселесин дүйнөлүк коомчулуктун талкуусуна коюу керек. Мындай пикирин Швейцариянын Кыргыз жериндеги элчилигинин миссия башчысынын орун басары Даниель Мевли Монтелеон Бишкекте өтүп жаткан Бүткүл дүйнөлүк тоо форумунда билдирди. Анын айтымында, эки өлкөсүнүн суу боюнча чечилбей жаткан маселеси карапайым элге кыйынчылык жаратууда.

"Көпчүлүк Кыргыз өлкөсүнүн жаратылышын Швейцариянын жаратылышына окшоштуруп келишет. Албетте, эки өлкөнүн ортосунда окшоштук - тоолор. Тоо, суу - бул биздин кызматташуубуздун ачкычы.

Азыр Орто Азияда жыл сайын мөңгүлөр 1 пайызга азайып, тенденция уланууда. Ошол эле учурда бул маселе менен активдүү күрөшүүнү улантып келишүүдө. Швейцария сыртта карап турбай бир нече жыл мурун баштаган "Жашыл доор" долбоорунун негизинде мөңгүнү сактоо жана тоолуу өлкөлөрдү өнүктүрүү маселесин колго алууда", - деди Даниель Мевли Монтелеон.

Буга чейин Жогорку Кеңештин депутаты Кенжебек Бокоев Талас облусундагы Киров суу сактагычындагы маселени көтөрүп, андагы сууну Казакстан акысыз бербей, сатуу керектигин сунуштаган. Киров суу сактагычындагы суунун 90 пайызга жакынын Казакстан, калганын Талас облусунун Манас району пайдаланып келет.

16:55 23-10-2018

Автор: Жамалидин Парманкулов
Фото: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 509 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 334 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 269 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 626 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 442 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1483 0

Архив

Комментарийлер (1)

gulia90

2018-10-23 17:26:48

Кыргызстаным, мекеним жөнүндө эч качан жаман кабар окугум келбейт, жөн гана аттап барактап башкага өтүп кетем. Мекеним өнүгүп биз да алдыңкы мамлекеттерге кошулабыз деген үмүтүм чоң. Колумдан келсе, суусун, ташын, топурагын, абасын баарын корумакмын, бирок тилеке каршы.... Бизде канчалаган таланттуу, онорлуу жакшы адамдар көп, баары чогулса мамлекетибизди эң сонун кылып өнүктүргонго эмнеге болбойт эле. А биз көпчүлүгүбуз кара курсактын айынан ар кайсы жакта жүрөбүз, ойлогондо жүрөгүм ооруйт ((

Комментарий калтыруу үчүн өз ысымыңыз менен кириңиз же каттоодон өтүңүз.