super.kg logo

Москвада ооруканада оор абалда жаткан Кыргыз жаранын туугандары Бишкекке алып келет

 

Москва шаарындагы №36-шаардык клиникалык ооруканада оор абалда жаткан Кыргыз жараны Бишкекке алып келинет. Бул тууралуу бүгүн, 25-октябрда SUPER.KG'ге анын тууганы Арзымат Мырзабеков билдирди.

"Кечээ ооруканага анын таякеси экөөбүз барып ал-акыбалын сурап, дарыгерлерге жолугуп келдик. Учурда элчиликте документтерин бүтүрүп жүрөм. Алгач мени тааныган жок, себеби ал мени акыркы жолу кичирээк кезимде көргөн экен. Бирок ага түшүндүрүп айтып берсем, колдору менен эстегенин, сүйүнгөнүн билдирди. Мен мурда күрөшчүмүн, ошол нерсе эсинде калган экен.

Биринчи эле апасын, анан уулун сурады. Алар сагынганын, күтүп жатканын айттык. Бирок Талас байке бир жылдан бери байланышка чыкпай келген. Былтыр апасы каза болуп калган болчу. Абалы жакшы эмес болуп турганына байланыштуу бул суук кабарды угузган жокпуз. Бүгүн бир тууган агасы, жеңеси учуп келишет, 1-2 күндө Бишкекке алып кетишмей болду", - дейт А.Мырзабеков.

Дарыгерлердин айтымына караганда, Талас Турдубаев август айынын аягында ооруканага оор абалда түшкөн. Дарыгерлер ага тиешелүү медициналык жардам көрсөтүшкөн, дарылануудан толук өткөн. Сентябрь айында эле дарылануусу аяктап, ооруканадан чыгарылган. Бирок анын барар жери жок болгондуктан, жакындары келбегендигине байланыштуу ал ооруканага калтырылган.

"Абалы жакшы эле, негизи. Болгону моюнундагы түтүктүн айынан үнү чыкпай калыптыр. Азыр сүйлөй албай кыйналат. Бирок колдору менен түшүндүрүүгө аракет кылат. Москвада Талас облусунун тургундарынан турган "Талас" фонду бар, учурда жердештери акча чогултуп финансылык колдоо көрсөтүүдө. Дарыгерлер аны мурунку калыбына келүү үчүн убакыт керек жана тиешелүү дарылануудан өтүүсү керектигин айтышты", - деп кошумчалады тууганы.

Эске салсак, SUPER.KG порталына Москва шаарындагы ооруканалардын биринин нейрохирургия бөлүмүндө башынан оор жаракат алган Кыргыз жараны 2,5 айдан ашык убакыттан бери жатканын билдиришкен. Оорукананын кызматкери дарыгерлер бейтаптын туугандары табылбаса ага медициналык жардам көрсөтүүдөн баш тартуу маселеси каралып жаткандыгын айткан.


кошулду


Москвада ооруканада оор абалда жаткан Кыргыз жаранын туугандары Бишкекке алып келет

Автор: Кызжибек Раимова
Оператор: Мухамадзиямидин Турдубек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
25.10.2018. 15:00 
Тайпасы:
Жаран
Комментарийлердин саны:
3
Катталган:
29-07-2013
Соӊку аракети:
24-01-2020 14:48
Жынысы:
Белгисиз
+1
Сакайып кетсин
25.10.2018. 15:34 
Тайпасы:
Жаран
Комментарийлердин саны:
16
Катталган:
06-01-2012
Соӊку аракети:
24-01-2020 14:20
Жынысы:
Белгисиз
+2
Каякта журду туугандары ушуга чейин,обьязательно СМИ ге чыкканда гана аракет кылыш керек беле. Ага чейин эмне учун издешкен жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136521;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: