Бюджет жана финансы комитети экономика министри Олег Панкратовго чара көрүү боюнча өкмөт башчыга кат жолдоду. Мындай чечимди бүгүн, 29-октябрда аталган комитеттин төрагасы Эмил Токтошев окуп берди.
“Буга чейин экономика министри Олег Панкратовду 6 жолу жыйынга чакырганбыз, 4 жолу келген эмес, 2 жолу келиптир. Комитет мүчөлөрүнүн атынан чечим чыгарып өкмөт башчыга кат жолдойбуз, ушул маселеге көңүл бурулуп, тиешелүү чаралар көрүлсүн”, - деди Токтошев.
Бүгүнкү жыйынга да Олег Панкратов чакырылып, бирок келген жок. Министрдин орун басары Панкратов ооруп калганына байланыштуу келе албаганын билдирди.