Жалал-Абад обулусунун Ноокен районунда 10 жаштагы бала пахтага тумчугуп каза болду. Бул маалыматты Жалал-Абад ОИИБи тастыктап, окуя кокустук катары катталганын кошумчалады.
"Окуя Сакалды айылында катталган. Анда 10 жашар бала достору менен пахтанын жанында ойноп жатканда аны пахта басып калган. Ал чыга албай тумчугуп каза болуп калган. Бул окуя боюнча териштирүү иштери жүрүп, кокустук катары катталды", - деп билдирет басма сөз кызматы.