Кыргыз спортчу Талантбек Акматов ушу саньда боюнча Кытайда өткөн Дүйнө кубогунда коло медаль утуп алды.
Аталган мелдеш 24-29-октябрь аралыгында Ханчжоу шаарында өткөн. Ага 39 өлкөнүн спортчулары катышкан. Талантбек Акматов 80 килограммга чейинки салмак ченинде коло медалдын ээси болду.
Талантбек Акматов кикбокс боюнча өлкөнүн 2 жолку чемпиону, ушу саньда боюнча өлкөнүн 4 жолку чемпиону жана Орто Азиянын 2 жолку чемпиону болгон. 2017-жылы Акматов Орусиянын Казань шаарында өткөн Дүйнө чемпиондугунда коло медалды жеңип алган.